Mk 4:41 - Nouvo Testaman Kreol Morisien Harmonisation NTPS KM

⁴¹ Enn gran lafreyer pran zot. Sakenn dir ar so kamarad, “Kisann-la sa? Mem divan ek lamer obeir li?”

Nouvo Testaman dan Kreol Morisien

⁴¹ Enn gran lafreyer pran zot. Sakenn dir ar so kamarad, “Kisannla sa? Mem divan ek lamer obeir li?”

Mk 4:41 Referans Kwoze

Lk 8:25

Li dir zot, “Kot zot lafwa ete?” Zot gagn per e zot sezi, e sakenn dir ar so kamarad, “Kisann-la sa, li komann divan ek dilo, e bann-la obeir li?”

Mt 8:27

Tou dimounn etone, zot dir, “Kisann-la sa? Mem divan ek lamer obeir li.”

Psom 89:7

Tou kreatir lesiel per Bondie; zot tou respe Bondie ki redoutab.

Revelasion 15:4

Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Mk 5:33

Madam-la gagn per, li tranble; li kone ki finn ariv li; li vini, li tom azenou devan Zezi, li dir li tou laverite.

Eb 12:28

Alor, anou montre nou rekonesans, parski nou resevwar enn rwayom ki pa tranble. Anou ador Bondie avek reverans ek lakrint;

Lk 4:36

Enn lafreyer trap zot tou e sakenn dir ar so kamarad, “Ala enn parol-la! Li expilse avek otorite ek pwisans bann move lespri, e zot disparet.”

Mt 14:32

Ler zot rant dan pirog, divan-la tonbe.

Mk 7:37

Zot ti bien-bien inpresione; zot tou ti pe dir, “Li finn fer boukou mervey! Mem bann sourd tande, bann mie koze.”

Mk 4:40

Lerla li dir zot, “Kifer zot kapon koumsa? Zot touzour pena lafwa?”

Mk 5:1

Apre sa, zot ariv lot kote lamer, dan landrwa bann Zerazenien.