Mk 4:14 - Nouvo Testaman Kreol Morisien Harmonisation NTPS KM

¹⁴ “Planter-la, li sem laparol.

Nouvo Testaman dan Kreol Morisien

¹⁴ “Planter la, li sem laparol.

Mk 4:14 Referans Kwoze

Zistwar Bann Zapot 8:4

Bann ki ti finn disperse partou kote, finn al proklam Bonn Nouvel.

Mt 13:19

Kan kikenn tann koze lor Rwayom Bondie e li pa konpran, diab vini, ras tou seki finn seme dan so leker. Li resanble sa sime kot lagrin finn tonbe la.

Lk 8:11

“Ala seki sa parabol-la vedir: lagrin-la, Parol Bondie.

Mt 13:37

Li reponn, “Sa dimounn ki sem bon lagrin-la limem Garson Limanite.

Mk 4:3

“Ekout sa. Ala zistwar enn planter ki pe al seme.

Mk 2:2

Lakaz ti telman ranpli ar dimounn, ki mem deor devan laport pa ti ena plas. Li ti pe explik laparol.

Lk 1:2

Zot finn baz zot zistwar lor bann temwin ki finn trouv seki finn pase, e lor parol bann seki finn gagn lord transmet sa bann evennman-la depi koumansman.

Mt 13:3

Alor Zezi koz ar zot an parabol, li dir, “Tann sa: enn planter sorti pou al seme;

Mk 4:13

Li dir zot, “Si zot pa konpran sa parabol-la, kouma zot pou konpran lezot parabol?”

Mk 4:15

Lagrin ki tom dan bor sime, savedir bann dimounn ki tann parol Bondie. Kouma zot tande, Satan vini, aras parol ki finn seme dan zot.