Mk 2:1 - Nouvo Testaman Kreol Morisien Harmonisation NTPS KM

¹ De-trwa zour apre, Zezi retourn dan Kafarnaom. Nouvel fane ki li dan lakaz enn dimounn.

Nouvo Testaman dan Kreol Morisien

¹ Detrwa zour apre, Zezi retourn dan Kafarnaom. Nouvel fane ki li dan lakaz enn dimoun.

Mk 2:1 Referans Kwoze

Zn 4:47

Kan ofisie-la finn tande ki Zezi finn kit Lazide pou vinn Galile, li al get Zezi e li sipliy li desann pou vinn geri so garson ki pre pou mor.

Mk 7:24

Kan Zezi sorti la, li al dan rezion Tir. Li rant dan enn lakaz, li pa ti anvi personn kone, me li pa ti kapav kontign kasiet.

Lk 5:18

Zis lerla de-trwa dimounn vini, zot ti pe sarye enn boug ki ti paralize lor enn brankar. Zot ti pe sey amenn li andan devan Zezi.

Mk 1:45

Kouma li sorti deor, li koumans rakonte, li fann nouvel partou. Akoz samem Zezi ti bizin kasiet-kasiet e pa ti kapav rant dan lavil; li ti oblize al dan bann landrwa retire; kanmem sa, dimounn ti sorti partou pou vinn get li.

Mt 9:1

Zezi mont dan bato, li travers larivier, li al dan so lavil.

Zistwar Bann Zapot 2:6

Enn gran lafoul ti rasanble letan ti finn tann sa tapaz-la. Zot ti res bet parski sakenn ti tann bann krwayan pe koz dan langaz zot pei.

Mt 4:13

Li kit Nazaret pou al res dan Kafarnaom, dan bor lamer, dan teritwar Zabilon ek Neftali.

Mk 2:2

Lakaz ti telman ranpli ar dimounn, ki mem deor devan laport pa ti ena plas. Li ti pe explik laparol.

Mk 3:20

Apre sa Zezi rant dan lakaz. Lafoul rekoumans rasanble; telman dimounn ti pe ale-vini, ki zot pa ti kapav manz enn bout dipin.

Mk 7:17

Letan li kit lafoul, li rant lakaz, so bann disip pe poz li kestion lor sa parabol-la.

Mk 9:28

Letan Zezi finn rant lakaz, bann disip ris li enn kote, zot dimann li, “Kifer nou pa finn kapav pous sa lespri-la, nou?”

Lk 4:23

Lerla li dir zot, “Sirman zot pou sit mwa sa proverb ki dir, ‘Dokter, geri twa tomem. Nou okouran tou seki to finn fer dan Kafarnaom, fer parey isi dan to prop lavil.’ ”