Mk 13:5 - Nouvo Testaman Kreol Morisien Harmonisation NTPS KM

⁵ Lerla Zezi koumans dir zot, “Get bien pou ki personn pa anbet zot;

Nouvo Testaman dan Kreol Morisien

⁵ Lerla Zezi koumans dir zot, “Get bien pouki personn pa anbet zot;

Mk 13:5 Referans Kwoze

Let pou Kolosien 2:8

Pran gard ki personn pa piez zot dan bann gran lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.

Ef 5:6

Napa les personn anbet zot ar bann parol vid, parski sa bann kiksoz lamem ki amenn lakoler Bondie lor bann dimounn ki dezobeir.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

2 Tes 2:3

Dan ninport ki fason, pa les personn anbet zot parski sa zour-la pa pou arive avan ki gran rebelion kont Bondie arive e sef rebel ki finn destine pou detrir pou aparet.

1 Ko 15:33

Pa les dimounn anbet zot: kan frekant lisien gagn karapat.

Lk 21:8

“Pran kont, pa les dimounn anbet zot. Parski boukou dimounn pou vinn lor mo nom e zot pou dir, ‘Momem sa.’ ‘Ler finn arive’. Pa swiv zot.

Mk 13:4

“Dir nou, kan tousala pou arive? Ki sign pou fer nou konpran ki tousala pre pou akonpli?”

Mk 13:6

Boukou pou vini, zot pou servi mo nom, zot pou dir ‘Momem sa.’ Koumsa mem zot pou anbet boukou dimounn.