Mk 10:14 - Nouvo Testaman Kreol Morisien Harmonisation NTPS KM

¹⁴ Zezi agase, li dir zot, “Les bann ti zanfan vinn ar mwa, napa anpes zot parski Rwayom Bondie pou dimounn ki parey kouma zot.

Nouvo Testaman dan Kreol Morisien

¹⁴ Zezi agase, li dir zot, “Les bann ti zanfan vinn ar mwa, napa anpes zot parski Rwayom Bondie pou dimoun ki parey kouma zot.

Mk 10:14 Referans Kwoze

Mt 19:14

Me Zezi dir, “Les bann ti zanfan vinn ar mwa, pa anpes zot parski Rwayom Lesiel pou dimounn ki parey kouma zot.”

Mt 18:10

Fer sir ki zot pa mepriz enn sa bann ti zanfan-la; parski les mo dir zot, ki zot bann anz touletan dan prezans mo Papa dan lesiel.

Mt 18:4

Dimounn ki pli gran dan rwayom lesiel li kikenn ki abes li e fer li vinn tipti kouma sa zanfan-la.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pou ki kan zot bwar li zot kapav grandi pou gagn vre lavi,

2 Tim 3:15

Depi to lanfans, to konn Lekritir ki kapav donn twa sazes pou ena lafwa dan Lekris Zezi ki sov nou.

Revelasion 14:5

e dan zot labous mansonz pa ti sorti; zot ti san defo.

2 Tim 1:5

Mo touzour rapel lafwa sinser ki dan to leker. Samem lafwa ki to finn resevwar avek to granmer Lois ek to mama Enis.

Ef 4:26

Si zot ankoler, pa fer pese. Pa les zot koler res ziska ki soley al kouse.

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 7:14

Parski enn mari non-krwayan li sanktifie par so fam e enn fam non-krwayan li sanktifie par so mari. Sinon zot zanfan ti pou inpir, tandi ki la, zot pre ar Bondie.

Let pou Romin 11:28

Konsernan Bonn Nouvel, bann Zwif lennmi Bondie, e sa tom bien pou zot, bann non-Zwif; me konsernan seki Bondie finn swazire, bann-la touzour bann dimounn ki Bondie kontan akoz zot anset,

Let pou Romin 11:16

Si pran enn premie morso dipin ek prezant li Bondie, alor dipin-la antie beni. Si rasinn enn pie, li sin, alor bann brans osi parey.

Zistwar Bann Zapot 3:25

Zot desandan bann profet ek eritie lalians ki Bondie ti fer avek zot anset, kan li ti dir Abraam, ‘Mo pou beni tou bann fami lor later atraver to bann desandan.’

Zistwar Bann Zapot 2:39

Sa promes-la li pou zot, zot zanfan, pou tou seki lwin e pou tou seki Lesegner nou Bondie pou apele.”

Mk 8:33

Zezi vire, li get so bann disip, li menas Pier; li dir li, “Sorti devan mwa, Satan, parski to pena lespri Bondie me lespri dimounn.”

Mk 3:5

Li get zot ar lakoler, anmemtan, li sagrin ki zot leker dir. Li dir boug-la, “Dres to lame.” Monion-la dres so lame; so lame revinn normal.

Psom 78:4

Nou pa pou kasiet sa nou bann zanfan; nou pou koz sa ar zenerasion ki pe vini, tou bann mervey LESEGNER, e so pouvwar, e bann aksion extraordiner ki li finn akonpli.

Mt 5:3

“Bienere zot ki pov dan zot lespri, Rwayom Bondie li pou zot.

Mt 5:10

Bienere zot ki dimounn pe persekite akoz zot fer dibien, Rwayom Bondie li pou zot.

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimounn pa pran nesans depi lao, li pa kapav konn Rwayom Bondie.”

Zn 3:5

Zezi reponn li, “Vremem, laverite krwar mwa mo dir twa, personn pa kapav rant dan Rwayom Bondie, si li pa repran nesans dan dilo ek Lespri.