Mk 10:1 - Nouvo Testaman Kreol Morisien Harmonisation NTPS KM

¹ Zezi leve, li al dan paraz Lazide, lot kote larivier Zourdin. Ankor enn fwa, lafoul ti antour li. Kouma li abitie fer, li kontign ansegn zot.

Nouvo Testaman dan Kreol Morisien

¹ Zezi leve, li al dan paraz Lazide, lot kote larivier Zourdin. Ankor enn fwa, lafoul ti antour li. Kouma li abitie fer, li kontign ansegn zot.

Mk 10:1 Referans Kwoze

Zn 10:40

Zezi resot larivier Zourdin ankor pou al dan rezion kot Zan ti pe batize. Lerla li res laba mem.

Mk 4:2

Tou so koze ti an parabol; dan so lansegnman li ti pe dir,

Zn 11:7

Apre sa li dir ar so bann disip, “Anou retourn Zide ankor.”

Mk 6:34

Letan Zezi debarke, li trouv enn gran lafoul; so leker kase parski zot ti kouma bann mouton san berze. Li koumans ansegn zot boukou kiksoz.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Zn 18:20

Zezi reponn li, “Mo finn koz devan tou dimounn lor later; mo finn ansegn touletan dan sinagog e dan Tanp, la kot tou bann Zwif rasanble; zame mo finn kasiet pou koze.

Mk 6:6

Zezi ti soke ki zot pa ti ena lafwa. Apre sa, li ti fer enn letour bann vilaz dan lezanviron, li ti kontigne ansegne.

Mk 2:13

Zezi re-al ankor enn fwa dan bor lamer. Enn gran lafoul antour li; li ti pe ansegn zot.

Mt 26:55

Lerla Zezi dir ar lafoul, “Eski zot ti bizin vinn ar lepe ek gourdin pou aret mwa koumadir mo enn voler? Toulezour mo ti pe asize dan Tanp e mo ti pe ansegne e zame zot finn aret mwa.

Mk 1:21

Zezi ek so bann disip al Kafarnaom. Zour saba, Zezi rant dan sinagog e li koumans donn lansegnman.

Mk 6:2

Zour saba li koumans ansegne dan sinagog. Tou seki ti pe ekout li, ti inpresione. Zot dir, “Kot li finn aprann tou sa bann koze-la? Kot li finn gagn sa kalite sazes-la? Kot li finn gagn pouvwar pou fer sa kalite mirak-la ar so lame?

Mk 10:2

Bann Farizien koste ar li. Zot ti pe rod instal li, alor zot dimann li si lalwa permet enn mari ranvway so fam.

Mk 12:35

Kan Zezi ti pe ansegne dan Tanp, li dir, “Kouma bann dokter lalwa kapav dir ki Lemesi, limem garson David?

Mk 14:49

Tou sa zour mo ti avek zot dan Tanp, pe donn zot lansegnman, zot pa finn aret mwa. Me tousala pe arive pou ki Lekritir akonpli.”