Mk 1:39 - Nouvo Testaman Kreol Morisien Harmonisation NTPS KM

³⁹ Koumsa mem li ti al partou dan Galile, li ti pe proklam Bonn Nouvel dan zot sinagog e li ti pe sas demon.

Nouvo Testaman dan Kreol Morisien

³⁹ Koumsamem li ti al partou dan Galile, li ti pe proklam Bonn Nouvel dan zot sinagog e li ti pe sas demon.

Mk 1:39 Referans Kwoze

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Mk 1:21

Zezi ek so bann disip al Kafarnaom. Zour saba, Zezi rant dan sinagog e li koumans donn lansegnman.

Lk 4:41

Bann move lespri osi sorti lor boukou dimounn malad, e zot kriye, “Tomem Garson Bondie!” Me Zezi ti menas zot e li ti anpes zot koze, parski zot ti kone ki limem Lemesi.

Mk 7:30

Kan li ariv kot li, li trouv so zanfan alonze lor lili, demon finn fini kit li.

Mt 9:35

Zezi ti al partou dan Galile, li ti pe ansegne dan zot sinagog, li ti pe proklam Bonn Nouvel Rwayom Bondie. Li ti geri bann dimounn ki ti ena tou sort kalite malad.

Mk 1:23

Zisteman dan zot sinagog, ti ena enn boug posede par enn move lespri. Li pe kriye for-for:

Mk 1:38

Li dir zot, “Anou al inpe pli lwin dan bann lezot landrwa; laba osi, mo bizin proklam Bonn Nouvel. Akoz samem mo finn vini.”

Mk 3:1

Ankor enn fwa, Zezi rant dan sinagog; enn boug ek lame monion ti la.

Mk 6:6

Zezi ti soke ki zot pa ti ena lafwa. Apre sa, li ti fer enn letour bann vilaz dan lezanviron, li ti kontigne ansegne.