Lk 9:51 - Nouvo Testaman Kreol Morisien Harmonisation NTPS KM

⁵¹ Letan ler ti pe arive kot Zezi pou kit lemond, li ti met latet devan pou mont Zerizalem.

Nouvo Testaman dan Kreol Morisien

⁵¹ Letan ler ti pe arive kot Zezi pou kit lemonn, li ti met latet devan pou mont Zerizalem.

Lk 9:51 Referans Kwoze

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

Lk 18:31

Zezi pran Ledouz avek li e li dir zot, “Ekout mwa, nou pe al Zerizalem, e tou seki finn profetize lor Garson Limanite pou realize.

Lk 13:22

Zezi ti pe travers lavil ek vilaz e li ti pe al dan direksion Zerizalem. Lor larout li ti pe ansegne.

Lk 17:11

Letan Zezi ti lor larout pou al Zerizalem, li ti pas ant Samari ek Galile.

1 Pi 3:22

ki finn al dan lesiel e dan kote drwat Bondie, la kot li pe regne lor bann anz ek lezot pwisans ek lotorite lesiel.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.

Eb 6:20

Zezi finn al laba avan nou e pou nou. Li finn vinn pou touzour enn gran pret kouma Melkisedek.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Ef 1:20

ki li finn met an aksion dan Lekris kan li ti resisit li parmi bann mor e li ti fer li asiz lor so drwat, lao dan lesiel.

Zistwar Bann Zapot 1:9

Kouma Zezi ti fini koze, li ti mont dan ler e li disparet dan enn niaz.

Zistwar Bann Zapot 1:2

ziska ki li mont dan lesiel. Avan sa, li ti donn instriksion, par Lespri Sin, bann zapot ki li ti swazir.

Zn 17:11

Mo nepli dan lemond alors ki zot ankor dan lemond; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

Zn 16:28

Mo sorti kot mo Papa e mo finn vinn dan lemond; mo pe kit lemond e mo pe retourn kot mo Papa.”

Zn 16:5

Me aster-la mo pe al kot Sa-Enn ki finn avoy mwa la e personn pa demann mwa, ‘Kot to pe ale?’

Zn 13:1

Avan fet Pak, kan Zezi trouve ki so ler finn vini pou kit sa later-la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.

Zn 6:62

Ki zot pou dir aster, si zot trouv Garson Limanite mont lao kot li finn sorti?

Lk 24:51

Letan li pe beni zot, li separe ar zot e li mont dan lesiel.

Lk 19:28

Letan li fini koze, Zezi mars devan zot pou mont Zerizalem.

Lk 19:11

Letan Zezi ti koste ar Zerizalem, li rakont enn lot parabol pou bann ki ti pe ekout li parski zot ti panse ki Rwayom Bondie ti pre pou manifeste limem.

Lk 12:50

Mo bizin plonz dan enn batem e mo resanti enn gran soufrans avan ki sa arive.

Let pou Filipien 3:14

Mo galoup vit pou rant dan bit pou resevwar pri ki Bondie ofer mwa dan lesiel par Zezi Kris.

Lk 9:57

Lor larout enn dimounn dir Zezi, “Mo pou swiv twa partou kot to ale.”