Lk 8:3 - Nouvo Testaman Kreol Morisien Harmonisation NTPS KM

³ Zann, fam Souza ki ti enn administrater kot Erod, ti ena osi Sizann, e boukou lezot ankor, ki ti servi zot dibien pou ed Zezi ek bann disip.

Nouvo Testaman dan Kreol Morisien

³ Zann, fam Souza ki ti enn administrater kot Erod, ti ena osi Sizann, e boukou lezot ankor, ki ti servi zot dibien pou ed Zezi ek bann disip.

Lk 8:3 Referans Kwoze

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimounn, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bon aksion.

Let pou Filipien 4:22

Tou pep Bondie e spesialman bann desandan Sezar fer zot konpliman.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Mt 26:11

Parski zot, zot pou touzour gagn bann pov parmi zot me mwa, mo pa pou touletan parmi zot.

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Mt 2:11

Ler zot rant dan lakaz-la, zot trouv Zezi ek so mama Marie. Zot tom azenou pou ador li; zot ouver zot kof bizou e zot ofer li lor, lansan ek lamir;

Lk 24:10

Ti ena Marie Madlenn, Zann ek Marie, mama Zak ek de-trwa ankor ki ti avek zot. Zot rakont sa bann zapot.

Zistwar Bann Zapot 13:1

Dan Legliz Antios ti ena bann profet ek profeser kouma Barnabas, Simeon ki ti apel Nizer, Lisyis ki sorti Sirenn, Manaen ki ti grandi ansam ar Erod, ek Sol.

Mt 14:1

Sa mem lepok-la Erod Tetrark ti tann koz Zezi.

Mt 14:3

Parski Erod ti finn fer aret Zan, li ti fer atas li e met li dan prizon akoz Erodiad fam so frer, Filip.

Mt 14:6

Alor, pou laniverser nesans Erod, tifi Erodiad ti dans omilie bann invite e li ti sitan pler Erod

Mt 20:8

Kan finn ariv aswar, proprieter la dir so formenn, ‘Apel bann travayer e donn sakenn zot lapey. Koumans ar bann dernie pou fini par bann premie.’

Mt 27:55

Ti ena boukou fam ki ti pe get delwin seki ti pe pase. Zot ti finn swiv Zezi depi Galile e zot ti so bann disip osi.

Zn 12:6

Li pa ti pe dir sa parski li ti kontan bann pov me parski li ti enn trianger; limem ti kontrol finans e li ti pran kas, met dan so pos.