Lk 8:21 - Nouvo Testaman Kreol Morisien Harmonisation NTPS KM

²¹ Me li reponn zot, “Seki ekout Parol Bondie ek met li an pratik samem mo mama ek mo bann frer.”

Nouvo Testaman dan Kreol Morisien

²¹ Me li reponn zot, “Seki ekout Parol Bondie ek met li anpratik samem mo mama ek mo bann frer.”

Lk 8:21 Referans Kwoze

Let Zak 1:22

Fode pa ki zot anbet zotmem parski zot zis ekout so parol me zot pa met li an pratik.

Zn 13:17

Si aster zot finn konn tousala, zot pou bienere si zot met sa an pratik.

3 Zn 1:11

Kamarad, pa bizin imit seki mal me imit seki bien. Dimounn ki fer dibien li avek Bondie; dimounn ki fer lemal li pa konn Bondie.

1 Zn 2:29

Si zot kone ki Lekris zis, alor zot osi rekonet ki tou dimounn ki fer seki zis, li enn zanfan Bondie.

2 Ko 6:18

Momem, mo pou enn Papa pou zot, e zot, zot pou mo garson, zot pou mo tifi.”

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

2 Ko 5:16

Alor depi aster nou nepli konsider okenn dimounn dapre manier imin. Mem si avan nou ti konsider Lekris dan enn manier imin, nou pa get li koumsa aster-la.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

Mt 28:10

Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”

Mt 25:45

Alor li pou reponn zot: ‘Laverite mo dir zot, letan zot pa finn fer sa pou enn sa bann pli tipti parmi zot, ar mwa osi zot pa finn fer li.’

Lk 8:20

Bann-la dir li, “To mama ek to bann frer pe dibout deor, zot anvi trouv twa.”