Lk 8:14 - Nouvo Testaman Kreol Morisien Harmonisation NTPS KM

¹⁴ Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Nouvo Testaman dan Kreol Morisien

¹⁴ Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Lk 8:14 Referans Kwoze

1 Tim 6:17

Dir bann dimounn ris dan sa lavi-la, pa rant dan lorgey e pa met zot lesperans dan bann fos rises. Met zot lesperans plito dan Bondie ki donn nou tou seki nou bizin dan labondans.

Mk 4:19

Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

Mt 13:22

Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Lk 21:34

“Pran kont pou ki zot leker pa angourdi par toutsort kalite kiksoz, par labwason ek bann difikilte lavi, sinon Gran Zour-la pou tom lor zot san ki zot atann,

Lk 8:7

Inpe tom dan pikan, e kan pikan-la grandi ansam avek bann lagrin-la, li touf zot.

2 Tim 4:10

Demas finn prefer lemond prezan, li finn abandonn mwa; li finn rant dan Tesalonik. Kresenns finn al Galasi, Tit finn al Dalmasi.

Zn 15:6

Si kikenn pa res ar mwa, pou zet li deor parey kouma fer ek enn brans ki pa raporte; lerla li pou sek. Dimounn ramas sa bann brans-la, zet zot dan dife e zot brile.

Lk 16:13

Enn serviter pa kapav servi de met; swa li ayir enn e li kontan lot-la, swa li devwe pou enn e li mepriz lot-la. To pa kapav servi Bondie ek dibien lor later.”

Lk 8:13

Seki tom lor ros, sa bann ki tann laparol e zot resevwar li dan lazwa; me zot pena rasinn, zot krwar pou enn letan e kan difikilte vini zot abandonn lafwa.

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Eb 6:1

Alor, anou les dekote bann lansegnman elemanter lor Lekris pou nou grandi kouma bann adilt. Nou pena pou retourn lor bann premie leson, kouma: aret nou bann move aksion ki amenn lamor e krwar dan Bondie;