Lk 6:30 - Nouvo Testaman Kreol Morisien Harmonisation NTPS KM

³⁰ Donn tou dimounn ki dimann twa sarite; e si kikenn pran to dibien, pa dir li rann twa.

Nouvo Testaman dan Kreol Morisien

³⁰ Donn tou dimoun ki dimann twa sarite; e si kikenn pran to dibien, pa dir li rann twa.

Lk 6:30 Referans Kwoze

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Mt 6:12

Pardonn nou nou bann pese, parey kouma nou pardonn bann ki finn ofans nou.

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

Proverb 21:26

Bann pares pas letan anvi kitsoz lezot; me bon dimounn donn zot kitsoz ek leker kontan.

Psom 41:1

Bienere dimounn ki pran kont ek ed bann pov kan zot dan difikilte, LESEGNER pou delivre zot.

Proverb 19:17

Kan to ed bann pov, to pe pret LESEGNER, limem ki pou rekonpans twa.

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Lk 11:41

Donn bann pov rises ki ena dan zot koup; lerla, tou pou vinn prop.

Lk 6:38

Done, zot pou resevwar dan pos zot tabliye enn mezir bien ranpli, bien dame e ki pe deborde; mezir ki to servi pou lezot, samem mezir ki pou servi pou twa.”

Mt 18:35

Koumsa mem mo Papa ki dan lesiel pou fer avek sakenn parmi zot, si zot pa pardonn zot bann frer ek ser avek tou zot leker.”

Proverb 22:9

Bann dimounn ki ena bon leker pou gagn benediksion, parski zot partaz zot manze ar bann pov.

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Ef 4:28

Voler bizin aret kokin; okontrer li bizin fer travay onet ar so prop lame pou ki li kapav ena seki bizin pou partaz ar bann pov.

Mt 5:39

Si kikenn kalot twa lor to lazou drwat, donn li osi to lazou gos.

Lk 6:29

Si kikenn tap twa enn kalot lor to lazou, donn li lot kote lazou; si kikenn pran to palto, pa anpes li pran to semiz osi.

Lk 6:31

Seki to ti'a kontan lezot fer pou twa, fer samem pou zot.