Lk 5:1 - Nouvo Testaman Kreol Morisien Harmonisation NTPS KM

¹ Zezi ti pe dibout dan bor lamer Zenezaret. Lafoul ti pe pouse pou vinn pli pre ar li, pou ekout Parol Bondie.

Nouvo Testaman dan Kreol Morisien

¹ Zezi ti pe dibout danbor lamer Zenezaret. Lafoul ti pe pouse pou vinn pli pre ar li, pou ekout parol Bondie.

Lk 5:1 Referans Kwoze

Mk 3:9

Zezi ti bizin dir so bann disip pare enn pirog pou li, tansion lafoul kraz li.

Mt 14:34

Ler zot finn fini travers lak, zot ariv dan rezion Zenezaret.

Mk 6:53

Kan zot finn fini traverse, zot ariv pre lor rivaz Zenezaret, zot amar zot bato.

Mt 11:12

Depi lepok Zan Batis ziska zordi, rwayom lesiel finn touletan sibir violans e bann dimounn violan finn akapar li.

Lk 12:1

Ti ena telman enn gran lafoul ki dimounn ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Mk 5:24

Zezi al avek li. Enn gran lafoul ti pe swiv li. Dimounn ti pe pouse.

Lk 8:45

Zezi dir, “Kisann-la finn tous mwa?” Tou dimounn res trankil, lerla Pier dir li, “Met, enn gro lafoul pe antour twa e dimounn pe pouse.”

Mk 4:1

Ankor enn fwa, Zezi ti pe ansegne dan bor lamer. Telman ti ena enn gro lafoul ki ti pe antour li, li monte, li al asiz dan enn pirog ki ti lor lamer. Lafoul ti lor laplaz dan bor dilo.

Lk 5:2

Li trouv de pirog dan bor lak, me bann peser pa ti ladan, parski zot ti pe lav zot file.

Lk 8:22

Enn zour li rant dan enn pirog ar so bann disip, e li dir zot, “Anou al lot kote lak.” E zot ale.

Lk 8:23

Lor bato, Zezi gagn somey. Enn koudvan leve lor lak, pirog koumans pran dilo, lerla zot lavi andanze.

Lk 8:33

Lerla bann demon-la sorti ar li, rant dan bann koson ki ti la, ek troupo-la deval lapant, tom dan lak e zot nwaye.

Zn 1:40

Andre, frer Simon Pier, ti enn parmi sa de disip ki ti tann Zan koze e ki finn swiv Zezi.

Zn 6:1

Apre sa, Zezi travers lamer Tiberiad dan Galile pou al lot kote.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.