Lk 24:47 - Nouvo Testaman Kreol Morisien Harmonisation NTPS KM

⁴⁷ e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Nouvo Testaman dan Kreol Morisien

⁴⁷ e bizin proklam parol Bondie lor so nom, repantans e pardon bann pese devan tou bann nasion depi Zerizalem.

Lk 24:47 Referans Kwoze

Zistwar Bann Zapot 5:31

Bondie, par so pwisans, finn lev li lao kouma Sef ek Sover pou ki li donn Izrael lokazion repanti, e ki li pardonn zot pese.

Zistwar Bann Zapot 2:38

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Zistwar Bann Zapot 20:21

Mo finn rann temwaniaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Zistwar Bann Zapot 13:46

Lerla, avek boukou kouraz, Pol ek Barnabas dir bann-la, “Li ti neseser ki anons Parol Bondie ar zot premie dabor. Me akoz zot finn repous li e zot pa konsider zot dign lavi eternel, abe aster-la nou pou al kot bann non-Zwif.

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Zistwar Bann Zapot 11:18

Kan bann-la tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Psom 86:9

Tou bann nasion ki to finn kree pou vinn ver twa pou prezant zot respe; zot pou glorifie to nom.

Mt 3:2

Li ti pe dir, “Sanz zot leker, Rwayom Bondie finn aprose.”

Psom 22:27

Ziska finfon later, zot tou pou rapel e zot tou pou retourn ver LESEGNER. Bann fami diferan tribi ek nasion pou prostern devan li ek ador li.

1 Zn 2:12

Mo bann zanfan, mo pe ekrir zot parski zot pese finn pardone akoz nom Zezi Kris.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Zistwar Bann Zapot 10:43

Tou bann profet ti koz lor li. Zot ti dir seki krwar dan li pou resevwar pardon zot pese par pwisans so nom.”

Zistwar Bann Zapot 4:12

Pena personn kapav sov nou apar Zezi, parski pena okenn lot nom dan lemond antie ki kapav sov nou.”

Zistwar Bann Zapot 3:19

Alors, sanz zot leker e tourn ver Bondie pou ki li efas zot pese,

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Ef 1:6

Anou loue Bondie pou so laglwar ek so lagras ki li finn donn nou dan so Bieneme.

Let pou Romin 5:20

Ler Lalwa finn vini, bann pese finn ogmante. Me la kot pese ti ogmante, lagras dan so abondans ti ogmant ankor plis.

Zistwar Bann Zapot 28:28

Les mo dir zot ki Bondie finn avoy mesaz delivrans pou bann payin osi, e ki bann-la, zot pou ekoute, zot.”

Zistwar Bann Zapot 26:20

Mo finn anons an premie dan Damas, apre Zerizalem, answit partou dan Zide ek osi ar bann non-Zwif ki zot bizin repanti, retourn ar Bondie ek fer bann aksion ki montre ki zot finn vremem repanti.

Lk 13:34

Zerizalem, Zerizalem, twa ki touy bann profet e twa ki touy kout ros seki Bondie finn avoy ar twa, komie fwa mo ti anvi rasanble to bann zanfan kouma enn mama poul ramas so ti-pousin anba so lezel, me zot pa finn oule!

Mt 9:13

Ale, al aprann seki sa parol-la vedir, ‘Mo dezir mizerikord, pa sakrifis zanimo. Parski mo pa finn vini pou apel bann zis me bann peser.’ ”

Psom 67:7

Bondie pou kontign beni nou; e tou bann pep partou lor later pou onor li.