Biblia Todo Logo
Bib sou entènèt

- Piblisite -




Lk 21:36 - Nouvo Testaman Kreol Morisien Harmonisation NTPS KM

36 Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Gade chapit la Kopi

Nouvo Testaman dan Kreol Morisien

36 Gard zot lizie ouver, priye pouki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Gade chapit la Kopi




Lk 21:36
34 Referans Kwoze  

Aster-la mo bann zanfan, res ini avek li, pou ki ler li revel li, nou kapav ranpli ar lasirans, e nou pa onte devan li zour ki li vini.


Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.


Zezi kontigne, li dir: “Pran kont, parski zot pa konn ni zour, ni ler.”


Alor, mo dir zot pran kont, parski personn pa kone ki zour zot Segner pou vini.


Lafin tou kiksoz pe aprose. Zot bizin serye ek disiplinn zotmem pou zot kapav priye.


Res lor zot gard, ferm dan lafwa, gard kouraz ek lafors.


Zezi rakont enn parabol pou montre ki bizin touletan priye san dekouraze.


Get bien, vey bien; parski zot pa kone kan tousala pou arive.


Pou Sa Enn ki anpes zot tonbe e fer zot tenir san okenn fot dan prezans so laglwar avek rezwisans,


Veye, priye pou ki zot pa rant dan tantasion. Lespri anvi mem, me laser feb.”


Seki mo pe dir zot, mo pe dir li pou zot tou: Veye.”


Me twa, gard to lespri kler. Siport leprev, fer to travay predikasion Bonn Nouvel. Ranpli to servis.


Pa aret priye; se sa ki pou gard zot lespri vif e dan remersiman.


Li ti bien relizie; li ansam ar tou so fami ti ador Bondie. Li ti bien ed bann pov e touletan li ti priye Bondie.


Bann move dimounn pou kondane dan zizman, bann ki fer pese pa pou rant dan lasanble lepep Bondie.


Tou seki finn zize dign pou larezireksion bann mor, e pou viv dan lemond ki pou vini, pa pou marye e pa pou donn zot tifi an-maryaz.


Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”


Zot konn bien, si enn proprieter ti kone ki ler dan lanwit voler pou pas kot li, li pa ti pou dormi pou ki so lakaz pa defonse.


Ala kifer, zot osi, zot bizin pare, parski Garson Limanite pou vinn enn ler ki zot pa kone.”


Anz-la reponn li, “Mwa, mo Gabriel; mo devan Bondie pou servi li; li finn avoy mwa koz ar twa, pou anons twa sa bonn nouvel-la.


parey kouma enn piez; li pou tom lor tou dimounn ki lor later.


parski nou kone ki Bondie ki finn resisit Lesegner Zezi pou resisit nou osi avek Zezi, e pou amenn nou, ansam ar zot, dan so prezans.


Parski gran zour zot koler finn arive, e kisann-la pou kapav reziste?”


Apre sa, mo gete e mo trouv enn gran lafoul ki personn pa kapav konte. Tousala ti bann dimounn ki ti sorti dan tou nasion, tribi, pep ek langaz e zot ti pe debout devan tronn ek devan Agno dan zot rob blan avek enn brans palmis dan zot lame.


E mo trouv set anz pe dibout devan Bondie, e finn donn zot set tronpet.


Zotmem sa de pie zoliv ek sa de lanpader ki ti devan Lesegner later la.


Swiv nou:

Piblisite


Piblisite