Lk 20:10 - Nouvo Testaman Kreol Morisien Harmonisation NTPS KM

¹⁰ Kan ler finn vini, li avoy so serviter al get bann planter-la pou pran so par lor seki karo rezin-la ti raporte. Bann planter-la bat li, pous li e li retourn lame vid.

Nouvo Testaman dan Kreol Morisien

¹⁰ Kan ler finn vini, li avoy so serviter al get bann planter la pou pran so par lor seki karo rezin la ti raporte. Bann planter la bat li, pous li e li retourn lame vid.

Lk 20:10 Referans Kwoze

Let pou Romin 7:4

Li parey pou zot mo bann frer, mo bann ser. Par rapor ar lalwa zot finn mor, parski zot fer parti lekor Lekris, pou ki zot apartenir ar enn lot ki finn resisite depi bann mor, koumsa nou kapav raport fri pou Bondie.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Lk 13:34

Zerizalem, Zerizalem, twa ki touy bann profet e twa ki touy kout ros seki Bondie finn avoy ar twa, komie fwa mo ti anvi rasanble to bann zanfan kouma enn mama poul ramas so ti-pousin anba so lezel, me zot pa finn oule!

Psom 1:3

Li kouma enn pie ki pous dan bor dilo, ki raport so fri dapre so sezon e so fey res touletan ver. Sa dimounn ere la li touletan prospere.

Lk 20:9

Zezi rakont lepep sa parabol-la: “Enn dimounn ti plant enn karo rezin, li ti lwe li ar bann planter e li parti pou enn bon bout letan.

Lk 20:11

Proprieter karo avoy enn lot serviter; bann planter-la bat li osi, insilte li e li retourn san nanye.