Lk 19:47 - Nouvo Testaman Kreol Morisien Harmonisation NTPS KM

⁴⁷ Toulezour Zezi ti pe ansegne dan Tanp. Bann sef pret, bann dokter lalwa ek dimounn bien inflian ti pe rod touy li.

Nouvo Testaman dan Kreol Morisien

⁴⁷ Toulezour Zezi ti pe ansegne dan tanp. Bann sef pret, bann dokter lalwa ek dimoun bien inflian ti pe rod touy li.

Lk 19:47 Referans Kwoze

Mk 11:18

Kan sef bann pret ek bann dokter lalwa finn konn sa, zot ti pe rode kouma pou touy li, me zot ti gagn per li parski lafoul ti apresie so lansegnman.

Mt 26:55

Lerla Zezi dir ar lafoul, “Eski zot ti bizin vinn ar lepe ek gourdin pou aret mwa koumadir mo enn voler? Toulezour mo ti pe asize dan Tanp e mo ti pe ansegne e zame zot finn aret mwa.

Zn 18:20

Zezi reponn li, “Mo finn koz devan tou dimounn lor later; mo finn ansegn touletan dan sinagog e dan Tanp, la kot tou bann Zwif rasanble; zame mo finn kasiet pou koze.

Zn 10:39

Ankor enn fwa, zot rod trap li me li sap dan zot lame, li ale.

Zn 7:44

Ena ti anvi aret li me personn pa ti oze tous li.

Zn 7:19

Eski Moiz pa finn donn zot lalwa? Pa pou sa ki zot obeir lalwa. Kifer zot pe rod touy mwa?”

Mk 14:1

De zour avan fet Pak ek fet Dipin san levin, bann gran pret ek bann dokter lalwa ti pe fer tou sort manigans pou aret Zezi e fer touy li.

Mk 12:12

Bann-la ti pe rod trap li me zot gagn per lafoul. Zot ti finn fini konpran ki Zezi ti pe koz pou zot, letan li ti pe koz an parabol. Apre sa, zot les li, zot ale.

Mt 21:23

Ler Zezi rant dan Tanp, bann sef pret ek bann ansien vinn kot li, e zot dimann li, “Par ki lotorite to pe fer sa bann kiksoz-la, kisann-la finn donn twa sa lotorite-la?”

Mk 14:49

Tou sa zour mo ti avek zot dan Tanp, pe donn zot lansegnman, zot pa finn aret mwa. Me tousala pe arive pou ki Lekritir akonpli.”

Lk 19:48

Me zot pa ti kone kouma pou fer sa, parski tou lepep ti pe ekout li avek boukou atansion.

Lk 20:19

Bann dokter lalwa, bann sef pret ti pe rod trap li lerla mem parski zot ti kone ki li ti finn rakont sa parabol-la kont zot; me zot pa oze akoz lafoul.