Lk 18:13 - Nouvo Testaman Kreol Morisien Harmonisation NTPS KM

¹³ Me komi tax-la, ti pe dibout net par deryer e li pa ti mem oze lev so lizie pou get lesiel. Li ti pe tap so pwatrinn e li ti pe dir, ‘Bondie, pitie mwa parski mo enn peser!’

Nouvo Testaman dan Kreol Morisien

¹³ Me komi tax la, ti pe dibout net par deryer e li pa ti mem oze lev so lizie pou get lesiel. Li ti pe tap so lapwatrinn e li ti pe dir, ‘Bondie, pitie mwa parski mo enn peser!’

Lk 18:13 Referans Kwoze

1 Tim 1:15

Ala enn parol sir ki tou dimounn bizin tande: Zezi Kris finn vinn lor later pou sov bann peser. Parmi bann peser, momem premie;

Psom 41:4

Mo ti konfese, “Mo finn fer pese kont twa SEGNER; pardonn mwa e donn mwa gerizon.”

Lk 23:48

Kan sa gran lafoul ki ti finn vini pou get spektak la trouv seki ti finn arive, zot rant kot zot latet bese.

Eb 8:12

Mo pou pardonn zot pese, e mo pou nepli mazinn ankor zot pese.”

Zistwar Bann Zapot 2:37

Letan bann dimounn tann sa zot ti boulverse dan zot leker, zot dir Pier e lezot zapot, “Frer, ki nou bizin fer?”

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Lk 5:8

Letan Simon Pier trouv sa, li tom azenou devan Zezi e li dir, “Segner, res lwin ar mwa, parski mo enn dimounn ranpli ar pese.”

Psom 25:11

Akoz to nom, SEGNER, pardonn mo bann tor, zot grav.

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer-la.

Psom 25:7

Pa rapel mo bann erer ek bann pese zenes; me dapre to lamour infini, rapel mwa akoz to bonte, SEGNER.

Mt 9:13

Ale, al aprann seki sa parol-la vedir, ‘Mo dezir mizerikord, pa sakrifis zanimo. Parski mo pa finn vini pou apel bann zis me bann peser.’ ”

Lk 17:12

Kouma li ti rant dan enn vilaz li ti zwenn dis lepre. Zot res lwin ar li

Psom 130:7

Izrael, met to lesperans dan LESEGNER! Lamour LESEGNER li infini e li ena gran pouvwar pou sov nou.

Psom 119:41

SEGNER, montre mwa ki kantite to kontan mwa e sov mwa kouma to ti promet.

Psom 106:6

Parey kouma nou bann anset nou osi nou finn fer pese; nou finn partisip dan lemal ek dan pese.

Psom 40:12

Traka partou otour mwa, tro boukou pou konte. Mo bann pese finn anvayir mwa, zot anpes mwa trouv kler. Zot plis ki seve lor mo latet zot fer mwa perdi kouraz.

Mt 6:5

Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pou ki dimounn trouv zot. Laverite mo dir zot, sa bann-la finn deza gagn zot rekonpans.

Mt 10:3

Filip ek Bartime; Toma ek Matie ramaser tax; Zak ti garson Alfe, ek Tade,

Mk 11:25

Kan zot vinn devan Bondie pou priye, si zot ena kiksoz kont enn dimounn, al pardonn li, pou ki zot papa dan lesiel pardonn osi zot bann fot.”

Lk 22:41

Apre sa, li al inpe pli lwin, distans enn kout ros, li tom azenou e li koumans priye.