Lk 17:1 - Nouvo Testaman Kreol Morisien Harmonisation NTPS KM

¹ Zezi dir ar so bann disip, “Li normal ki ena obstak ki fer dimounn tonbe, me li bien malere pou sa dimounn ki fer lezot tonbe la!

Nouvo Testaman dan Kreol Morisien

¹ Zezi dir ar so bann disip, “Li normal ki ena obstak ki fer dimoun tonbe, me li bien malere pou sa dimoun ki fer lezot tonbe la!

Lk 17:1 Referans Kwoze

Mt 18:7

Maler pou lemond akoz bann kiksoz ki fer dimounn tom dan pese. Sa bann kiksoz-la zot inevitab, me malere sa dimounn ki responsab tousala.

1 Ko 8:13

Akoz sa, si nouritir ki lakoz ki fer enn frer ou enn ser tom dan lerer, zame mo pa pou manz laviann ankor.

Let pou Romin 14:13

Anou aret ziz nou kamarad. Servi zot zizman plito pou pa fer zot frer ou ser tom dan pese.

1 Ko 11:19

San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

Let pou Romin 16:17

Mo sipliye zot, bann frer, bann ser, res lor zot gard kont bann dimounn ki diviz lezot pou fer bann klik, e egar zot par bann lansegnman ki kontrer ar seki zot ti aprann. Evit sa bann-la.

Mt 16:23

Me li vire e li dir Pier, “Pas deryer mwa, Satan! To enn gro ros lor mo sime parski to pa pans kouma Bondie me kouma imin.”

1 Ko 10:32

Viv enn fason ki zot pa kree skandal ni pou bann Zwif ni pou bann Grek ni pou Legliz Bondie.

Revelasion 2:14

Me mo ena enn ti repros pou fer twa: to ena kot twa enn bann dimounn ki ankor atase ar doktrinn Balam ki ti insit Balak pou met enn piez pou blok bann Izraelit. Li ti pous zot pou manz laviann ki finn ofer kouma sakrifis pou bann idol e pou fer prostitision.

Revelasion 2:20

Me mo ena enn repros pou fer twa. To toler Zezabel ki apel limem enn profet, ki pe ansegne e ki pe detourn mo bann serviter pou pratik imoralite ek manz manze ki finn ofer kouma sakrifis pou bann idol.

Lk 16:31

Abraam dir li, ‘Si zot pa ekout Moiz e bann profet, zot pa pou sanze, mem si enn mor ki finn resisite al get zot.’ ”

1 Tim 4:1

Lespri Sin dir li klerman: dan dernie tan, ena pou abandonn lafwa. Zot prefer swiv bann lespri ki desevwar e ekout bann lansegnman demoniak.