Lk 16:9 - Nouvo Testaman Kreol Morisien Harmonisation NTPS KM

⁹ Mo dir zot, fer kamarad ar dibien ki ena lor later, koumsa kan dibien-la pou nepli existe, zot pou gagn plas dan lakaz eternel.

Nouvo Testaman dan Kreol Morisien

⁹ Mo dir zot, fer kamarad ar dibien ki ena lor later, koumsa kan dibien la pou nepli existe, zot pou gagn plas dan lakaz eternel.

Lk 16:9 Referans Kwoze

Mt 19:21

Zezi dir li, “Si to anvi vinn parfe, ale, vann tou to dibien, donn bann pov e to pou gagn enn trezor dan lesiel; apre sa vini, swiv mwa.”

Mt 6:24

Personn pa kapav vinn servi de met. Swa li ayir enn ek kontan lot la, oubien li atas li ar enn ek mepriz lot la. Zot pa kapav servi de met.

Lk 16:11

Si to pa finn fidel ar dibien ki ena lor later, kisann-la pou konfie twa dibien ki dan lesiel?

Proverb 19:17

Kan to ed bann pov, to pe pret LESEGNER, limem ki pou rekonpans twa.

Lk 14:14

koumsa to pou beni, parski bann-la pa kapav rann twa parey. To pou rekonpanse ler rezireksion bann zis vini.”

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Lk 11:41

Donn bann pov rises ki ena dan zot koup; lerla, tou pou vinn prop.

2 Ko 4:17

Bann ti traka tanporer ki ariv nou pe prepar nou pou enn laglwar eternel ki extraordiner.

Lk 16:13

Enn serviter pa kapav servi de met; swa li ayir enn e li kontan lot-la, swa li devwe pou enn e li mepriz lot-la. To pa kapav servi Bondie ek dibien lor later.”

Zistwar Bann Zapot 10:31

Li dir mwa, ‘Korney, Bondie finn pran kont to lapriyer ek led ki to donn bann pov.

Mt 6:19

Pa ramas trezor lor later, la kot lever ek larouy kapav detrir li, e kot voler kapav defonse pou kokin.

Let Zid 1:21

gard zot touzour dan lamour Bondie; atann nou Segner Zezi Kris ki pou donn zot lavi eternel.

Zistwar Bann Zapot 10:4

Li get anz-la avek freyer e li dir, “Ki ena, Segner?” Anz-la dir li, “Bondie finn pran kont to lapriyer ek led ki to donn bann pov.

Proverb 23:5

Apenn to get to larzan dan to lame, li rod sime ale; li met lezel, li mont dan lezer kouma zwazo.

Psom 73:26

Mo lekor ek mo lespri kapav febli me mo vre lafors se mo Bondie. Apart li, mo trezor eternel, mo pa bizin personn.

Lk 16:4

Mo kone ki mo bizin fer pou ki dimounn kontign get mwa kan mo perdi mo travay.’

Proverb 14:24

Dimounn saz gagn larises kouma rekonpans; dimounn vantar rekolte divan.