Lk 11:41 - Nouvo Testaman Kreol Morisien Harmonisation NTPS KM

⁴¹ Donn bann pov rises ki ena dan zot koup; lerla, tou pou vinn prop.

Nouvo Testaman dan Kreol Morisien

⁴¹ Donn bann pov rises ki ena dan zot koup; lerla, tou pou vinn prop.

Lk 11:41 Referans Kwoze

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Let Zak 1:27

Ala seki Bondie Papa konsider kouma vre relizion ki pena okenn tas: pran swin bann orfelin ek vev dan zot soufrans e pa les zot kontamine par lemond.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

Eb 13:16

Pa bliye pou fer dibien ek partaz seki zot ena, parski samem bann sakrifis ki fer plezir Bondie.

Zistwar Bann Zapot 10:15

Lavwa enn deziem fwa dir li, “Pa konsider kiksoz inpir si Bondie finn deklar li prop pou manze.”

Lk 16:9

Mo dir zot, fer kamarad ar dibien ki ena lor later, koumsa kan dibien-la pou nepli existe, zot pou gagn plas dan lakaz eternel.

Proverb 19:17

Kan to ed bann pov, to pe pret LESEGNER, limem ki pou rekonpans twa.

Proverb 14:31

Kan fer dominer ar dimounn pov, nou insilte zot kreater; me kan pran swin bann pov, nou onor li.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

2 Ko 8:12

Si zot ena bonn volonte, Bondie aksepte don ki zot done dapre seki zot ena, pa dapre seki zot pena.

Lk 19:8

Zase leve e li dir ar Lesegner, “Ekout mwa, Segner. Mo pou donn lamwatie mo dibien bann pov; e si mo finn kokin dimounn, mo pou rann zot kat fwa plis.”

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

Mt 5:42

Done kan dimounn dimann twa, e pa tourn to ledo ar dimounn ki anvi pran prete ar twa.

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Psom 41:1

Bienere dimounn ki pran kont ek ed bann pov kan zot dan difikilte, LESEGNER pou delivre zot.

Ef 4:28

Voler bizin aret kokin; okontrer li bizin fer travay onet ar so prop lame pou ki li kapav ena seki bizin pou partaz ar bann pov.

Zistwar Bann Zapot 11:29

Bann disip deside pou avoy otan led ki zot kapav bann krwayan ki abit dan Zide.

Mt 26:11

Parski zot, zot pou touzour gagn bann pov parmi zot me mwa, mo pa pou touletan parmi zot.

Zistwar Bann Zapot 24:17

Apre plizir lane, mo finn retourn Zerizalem; mo finn amenn larzan pou ed mo pep e pou prezant bann ofrand Bondie.

Proverb 16:6

Dimounn ki lwayal ek fidel, so bann pese pardone; me si to respekte LESEGNER, to pou evit fer lemal.

Mk 7:19

parski li pa rant dan so leker me dan so vant apre so lekor eliminn li?” Par sa parol-la Zezi ti deklare ki tou manze prop.