Lk 11:40 - Nouvo Testaman Kreol Morisien Harmonisation NTPS KM

⁴⁰ Bann ti-lespri! Eski Bondie ki finn fer andeor, li pa finn fer osi seki andan?

Nouvo Testaman dan Kreol Morisien

⁴⁰ Bann tilespri! Eski Bondie ki finn fer andeor, li pa finn fer osi seki andan?

Lk 11:40 Referans Kwoze

Lk 12:20

Me Bondie dir li, ‘Kouma to bet koumsa! Zordi swar mem to pou perdi to lavi; kisann-la pou erit tou seki to finn ramase?’

1 Ko 15:36

Kestion bet! Twa, to bien kone kan met enn lagrin dan later, li bizin mor pou donn lavi enn nouvo plant.

Mt 23:26

Farizien aveg! Avan tou netway andan tas pou ki so andeor osi kapav prop.

Eb 12:9

Nou paran imin, zot ti koriz nou e nou ti respekte zot. Eski nou pa bizin ankor plis soumet nou avek nou Papa spiritiel pou ki nou gagn lavi.

Lk 24:25

Lerla li dir zot, “Bann san konpran, kouma zot leker pran letan pou krwar tou seki bann profet finn rakonte.

Mt 23:17

Bann fou ek aveg! Ki pli inportan? Lor oubien Tanp ki rann lor-la sakre?

Proverb 8:5

Zot, bann ti-lespri, aprann gagn disernman; zot ki ankor bet, aprann vinn intelizan.

Proverb 1:22

“Bann bet, Komie letan ankor zot pou kontan zot betiz? Komie letan ankor bann insolan pou kontign insilte? Komie letan ankor bann inbesil pou ignor konesans?

Psom 33:15

Limem ki ti form zot leker e li kone tou seki zot fer.

Psom 14:1

Bann inbesil panse dan zot leker, “Pou mwa, pena Bondie!” Zot koronpi; zot fer bann krim orib; pena enn osi ki fer dibien.