Lk 11:4 - Nouvo Testaman Kreol Morisien Harmonisation NTPS KM

⁴ Pardonn nou nou pese, parey kouma nou pardonn bann seki ofans nou. Pa les nou tom dan tantasion.”

Nouvo Testaman dan Kreol Morisien

⁴ Pardonn nou nou pese, parey kouma nou pardonn bann seki ofans nou. Pa les nou tom dan tantasion.”

Lk 11:4 Referans Kwoze

Mt 26:41

Veye, priye pou ki zot pa rant dan tantasion. Lespri anvi mem, me laser feb.”

Let pou Kolosien 3:13

Siport zot kamarad, e si zot ena kit repros, donn zot pardon; kouma Lesegner finn pardonn zot, zot ousi pardone.

Mt 18:35

Koumsa mem mo Papa ki dan lesiel pou fer avek sakenn parmi zot, si zot pa pardonn zot bann frer ek ser avek tou zot leker.”

Let Zak 2:13

Bondie pou san pitie letan li ziz dimounn ki pa finn montre pitie; pitie gagn laviktwar lor zizman.

2 Tim 4:18

Lesegner pou delivre mwa ankor dan tou bann piez ek li pou gard mwa pou so rwayom. Laglwar pou li dan leternite. Amen.

2 Tes 3:3

Me Lesegner ki fidel, li pou fortifie zot e gard zot proteze kont diab.

1 Ko 10:13

Tou tantasion ki zot finn gagne li parey kouma seki tou dimounn gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

Zn 17:15

Mo pa pe dimann twa, tir zot dan lemond me protez zot kont lemal.

Lk 22:46

Li dir zot, “Kifer zot pe dormi? Leve, priye pou ki zot pa rant dan piez tantasion.”

Lk 8:13

Seki tom lor ros, sa bann ki tann laparol e zot resevwar li dan lazwa; me zot pena rasinn, zot krwar pou enn letan e kan difikilte vini zot abandonn lafwa.

Psom 25:18

Pran kont mo detres ek mo soufrans, efas tou mo bann pese.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Psom 121:7

LESEGNER pou protez twa kont tou danze; li pou prezerv to lavi.

Psom 25:11

Akoz to nom, SEGNER, pardonn mo bann tor, zot grav.

Lk 11:5

Zezi re-dir zot, “Si enn zot kamarad vinn kot zot omilie lanwit e dir zot, ‘Kamarad, pret mwa trwa dipin ar twa.’

Lk 13:4

Ki zot panse lor latour Siloe ki finn kraz lor dizwit dimounn e finn touy zot tou? Eski zot krwar ki bann-la ti pli koupab ki tou lezot abitan Zerizalem?