Lk 11:39 - Nouvo Testaman Kreol Morisien Harmonisation NTPS KM

³⁹ Lerla Lesegner dir li, “Ala kouma zot ete bann Farizien. Zot netway andeor zot koup ek zot lasiet bien prop, me andan zot ranpli ar lespri rapas ek mesanste.

Nouvo Testaman dan Kreol Morisien

³⁹ Lerla Lesegner dir li, “Ala kouma zot ete bann Farizien. Zot netway andeor zot koup ek zot lasiet bien prop, me andan zot ranpli ar lespri rapas ek mesanste.

Lk 11:39 Referans Kwoze

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

Zistwar Bann Zapot 5:3

Pier dimann li, “Ananias, kifer to les Satan ranpli to leker? To finn koz manti ar Lespri Sin e to finn gard enn parti larzan pou twa.

Mt 15:19

Parski dan leker sorti bann move lintansion, kouma fer krim, adilter, move lavi, kokin, mansonz ek palab.

Mt 7:15

Fer atansion bann fos profet ki vini kouma bann mouton me ki an-verite zot bann loulou feros.

Proverb 30:12

Ena dimounn ki krwar zot parfe, me an-verite, zot sal ar pese.

Ga 1:14

Mo ti devans tou mo bann frer Zwif ki ti dan mo laz dan pratik larelizion, sitan mo ti devwe pou tradision mo bann anset.

Zn 12:6

Li pa ti pe dir sa parski li ti kontan bann pov me parski li ti enn trianger; limem ti kontrol finans e li ti pran kas, met dan so pos.

Lk 16:15

Zezi dir zot, “Zot fer krwar ki zot ena lazistis zis pou lizie dimounn, me Bondie konn zot leker. Seki ena valer pou dimounn, enn abominasion pou Bondie.

Lk 7:13

Letan Lesegner trouv li, so leker fer mal, e li dir mama-la, “Pa plore.”

Proverb 26:25

Kan to lennmi flat twa ar zoli parol, pa krwar li; parski so leker ranpli ar lafoli.

Psom 22:13

Zot mizo ouver kouma lion afame ki pou desir mwa bout par bout.

2 Tim 3:5

Me zot pou fer sanblan zot relizie alor ki zot bann ipokrit. Pa frekant zot.

Zn 13:2

Letan zot ti pe pran zot repa, diab finn fini akapar lespri Zida, garson Simon Iskaryot, pou li vann Zezi.

Proverb 26:23

Lapintir kasiet defo lor dibwa, me zoli parol kasiet mesanste ki dan leker.

Lk 7:19

e li avoy zot kot Lesegner pou dimann li, “Tomem ki sipoze vini la, oubien nou bizin atann enn lot?”