Lk 11:34 - Nouvo Testaman Kreol Morisien Harmonisation NTPS KM

³⁴ To lizie lalimier to lekor; kan to lizie bon tou to lekor eklere; me si to lizie pa bon, tou to lekor dan marenwar.

Nouvo Testaman dan Kreol Morisien

³⁴ To lizie lalimier to lekor; kan to lizie bon tou to lekor eklere; me si to lizie pa bon, tou to lekor dan marenwar.

Lk 11:34 Referans Kwoze

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Psom 119:18

Ouver mo lizie pou ki mo dekouver bann laverite merveye ki kasiet dan to bann lalwa.

Let pou Kolosien 3:22

Bann esklav, dan tou kiksoz obeir zot bann met ki lor later. Servi zot, pa parski pe vey zot, kouma dir zot pe rod fer plezir bann imin, me ar enn leker ki sinp e ki ena lakrint pou Lesegner.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pou ki zot konn li plis ankor.

Mk 4:12

Koumsa zot kapav gete, me zot pa pou trouv nanye, Zot kapav tande me zot pa pou konpran nanye. Lerla zot pa pou kapav sanz zot leker e zot pa pou gagn okenn pardon.”

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Mk 8:18

Zot ena lizie, selman zot pa trouv kler; zot ena zorey, selman zot pa tande? Zot pa rapel?

Zistwar Bann Zapot 13:11

Get sa! Lame Lesegner kont twa. To pou vinn aveg e to pa pou trouv lalimier soley pandan enn bon bout letan.” Enn sel kou Elimas trouv li dan marenwar, e li tourn partou-kote, pou gagn kikenn pou kondir li.

Psom 81:12

Akoz sa mo ti les zot fer zot teti e debrouy zot difil kouma zot ti oule.

Ef 6:5

Bann esklav bizin obeir zot met lor later ar lakrint e tranbleman; fer sa avek enn leker sinser, koumadir zot pe servi Lekris.

Zistwar Bann Zapot 2:46

Zour apre zour zot ti rasanble kouma enn group dan Tanp, zot ti kas dipin ansam dan lakaz, e ti pran zot repa ansam avek enn leker sinser e ranpli ar lazwa.

Mk 7:22

adilter, groker, fer vis, zwe malin, lamizman, met lizie, zoure, vantar, divage.

Proverb 28:22

Enn dimounn peng galoup deryer larzan; me li pa kone ki maler deryer laport.

Proverb 21:4

Move dimounn ena regar meprizan ek leker arogan; samem ki met zot pese okler.

Lk 11:35

Alors, pran kont, tansion lalimier ki dan twa, an-verite teneb sa.