Lk 10:42 - Nouvo Testaman Kreol Morisien Harmonisation NTPS KM

⁴² me enn sel neseser. Marie finn swazir meyer par, pa pou retir sa ar li.”

Nouvo Testaman dan Kreol Morisien

⁴² me enn sel neseser. Marie finn swazir meyer par, pa pou retir sa ar li.”

Lk 10:42 Referans Kwoze

Psom 27:4

Mo finn dimann LESEGNER enn sel zafer; zis enn zafer, pa plis: permet mwa viv dan lakaz LESEGNER pou touzour; permet mwa get avek admirasion magnifisans LESEGNER; e dimann li gid mwa.

Zn 4:14

Me dimounn ki bwar dilo ki mwa mo pou donn li, nepli pou gagn swaf; dilo ki mwa mo pou donn li, pou vinn enn lasours lavi eternel dan li.”

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Psom 73:25

Apart twa mo pena personn dan lesiel! Si mo ena twa ki lezot mo bizin lor later?

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Psom 17:15

Mwa, akoz lazistis, mo pou trouv twa divan mwa; e kan soley leve, to prezans ranpli mwa ar lazwa.

Mk 8:36

Kiserti enn dimounn gagn lemond antie si li ariv perdi so lavi?

Psom 142:5

SEGNER, mo sipliy twa vinn ed mwa. Mo dir twa, “Tomem mo protekter; tomem mo trezor lor later bann vivan.”

Psom 119:30

Mo swazir pou swiv twa avek fidelite; mo pran bien kont sazes to zizman.

Lk 8:18

Alor fer atansion manier ki zot ekoute parski seki ena pou gagn plis e seki pena, mem seki li krwar li ena, pou ras tou ar li.”

Lk 12:20

Me Bondie dir li, ‘Kouma to bet koumsa! Zordi swar mem to pou perdi to lavi; kisann-la pou erit tou seki to finn ramase?’

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

1 Ko 13:3

Si mo donn bann pov tou seki mo posede e mo donn mo lekor pou brile, me mo pena lamour, li pa servi mwa nanye.

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Lk 16:25

Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me aster-la li dan bien isi, e twa to dan soufrans.

Psom 119:173

Res touletan la pou ed mwa parski mwa mo touletan pe swiv to lord.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Lk 16:2

Li ti apel li e li ti dir li, ‘Ki mo pe tande lor twa? Fer mwa enn rapor lor to administrasion parski to nepli kapav kontign travay pou mwa.’

Lk 10:39

So ser ki ti apel Marie vinn asiz kot lipie Zezi pou ekout so parol.

Lk 11:1

Zezi ti pe priye kikpar. Letan li fini, enn so bann disip dir, “Segner, montre nou kouma priye, parey kouma Zan finn montre so bann disip.”

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze-la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zn 11:1

Enn dimounn ti finn tom malad. Li ti apel Lazar; li ti res Betani kot Marie ek so ser Mart.

Zn 11:19

Boukou Zwif ti vinn montre zot sinpati Mart ek Marie apre lamor zot frer.

Zn 12:3

Marie pran enn flakon parfin ki ti fer ar enn plant bien rar e ki ti kout bien-bien ser; li vers parfin-la lor lipie Zezi, apre li souy li avek so seve. Lakaz-la net ranpli ek parfin-la.