Let Zid 1:11 - Nouvo Testaman Kreol Morisien Harmonisation NTPS KM

¹¹ Maler lor zot parski zot finn swiv sime Kain. Akoz larzan, zot finn egare kouma Balam e zot finn mor dan zot revolt kouma rebelion Kore.

Nouvo Testaman dan Kreol Morisien

¹¹ Maler lor zot parski zot finn swiv sime Kain. Lakoz larzan, zot finn egare kouma Balam e zot finn mor dan zot revolt kouma rebelion Kore.

Let Zid 1:11 Referans Kwoze

2 Pi 2:15

Zot finn kit vre sime, zot finn perdi dan sime Balam, garson Bosor ki ti kontan larzan ki gagne par move travay,

1 Zn 3:12

Fode pa ki nou fer kouma Kain, ki ti ena diab dan li e li ti touy so frer. Kifer li finn touy li? Parski bann aksion Kain ti move e seki pou so frer ti zis.

Revelasion 2:14

Me mo ena enn ti repros pou fer twa: to ena kot twa enn bann dimounn ki ankor atase ar doktrinn Balam ki ti insit Balak pou met enn piez pou blok bann Izraelit. Li ti pous zot pou manz laviann ki finn ofer kouma sakrifis pou bann idol e pou fer prostitision.

Eb 11:4

Par lafwa, Abel finn ofer Bondie enn meyer sakrifis ki Kain. Akoz so lafwa li finn gagn faver Bondie kouma enn zom zis, parski Bondie limem finn aprouv so sakrifis. Li finn mor, me par so lafwa li ankor pe koze.

Mt 11:21

“Maler pou tom lor twa, lavil Korazin! Maler pou twa, lavil Betsaida! Parski si bann mirak ki finn arive kot zot, ti ariv dan Tir ek Sidon, depi lontan sa bann lavil-la ti pou finn montre piblikman ki zot finn sanz zot leker.