Let Zak 3:17 - Nouvo Testaman Kreol Morisien Harmonisation NTPS KM

¹⁷ Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Nouvo Testaman dan Kreol Morisien

¹⁷ Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodwir boukou bon aksion san okenn tras partipri ou ipokrizi.

Let Zak 3:17 Referans Kwoze

Proverb 2:6

Parski LESEGNER, limem lasours lasazes, so parol donn konesans ek disernman.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.

Let pou Romin 12:9

Lamour bizin sinser. Deteste seki move, atas zot ar seki bon.

Let Zak 1:17

Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa konn leklips ni lonbraz.

Let Zak 1:5

Si kikenn parmi zot mank lasazes, ki li demande, Bondie pou donn li. Bondie zenere e li donn tou dimounn avek enn gran leker.

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Mt 5:8

Bienere zot ki ena leker san tas, zot pou ar Bondie e zot pou trouv li.

1 Zn 3:3

Dimounn ki ena sa kalite lesperans dan Kris, pou rann limem pir parey kouma li.

Lk 21:15

Parski mo pou donn zot bann parol e enn sazes ki okenn adverser pa pou kapav reponn ek kontredir.

Lk 6:36

Montre enn leker ranpli ar mizerikord parey kouma Bondie zot Papa.”

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.

2 Tim 2:24

Enn bon serviter Lesegner li pa enn bagarer. Li bizin akeyan anver tou dimounn ek fode li kapav donn lansegnman sir kot li montre pasians.

1 Pi 2:1

Alor, rezet tou bann form mesanste ek trik, ipokrizi, zalouzi ek mansonz.

Let Zak 2:4

la, zot pe fer enn diskriminasion ant zot, e zot zizman finn baze lor move rezonnman.

Eb 12:11

Aster-la tou koreksion ki nou gagne, li paret touzour fer dimal plito ki donn lazwa. Plitar dimounn ki finn disipline par sa mem koreksion-la, li rekolte fri lape ek lazistis.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

1 Tim 5:21

Mo sipliy twa, dan prezans Bondie e Zezi Kris, devan tou bann anz beni, obzerv sa bann regleman-la dan enn fason strik, san fer faver personn.

Zistwar Bann Zapot 11:24

Barnabas ti enn bon dimounn ranpli ar Lespri Sin ek lafwa. Ti gagn enn kantite dimounn pou Lesegner.

Mt 23:28

Koumsa mem zot paret korek e zis pou lizie dimounn, me dan zotmem zot ranpli ar ipokrizi ek malonette.

1 Tes 2:7

pourtan, nou ti kapav inpoz lor zot nou lotorite kouma bann zapot Kris. Okontrer nou finn ena enn leker zanfan vizavi zot, parey kouma enn mama pran swin so zanfan.

Let pou Filipien 4:8

Finalman, mo bann frer e ser, pans bien lor tou seki vre, onorab, zis, pir, admirab ek tou seki merit nou louanz.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

Zn 1:47

Ler Zezi trouv Natanael pe vini, li dir, “Sa enn vre Izraelit, sa. Pena defo dan li.”

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Let pou Tit 3:2

Pa koz bonavini lor personn, evit dispit ek montre zot bienveyan anver zot prosin san lev lavwa an piblik.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

Let pou Romin 12:18

Otan ki posib viv dan lape ar tou dimounn.

Ef 5:9

Fri lalimier li dan tou seki bon, tou seki bien, tou seki vre.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

2 Ko 9:10

Bondie, ki fourni semans pou planter ek dipin pou manze, pou fourni zot avek semans, e pou miltipliye li pou ki zot zenerozite li donn boukou fri.

Mt 5:9

Bienere zot ki met lape, Bondie pou apel zot so bann zanfan.

2 Ko 6:6

Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer-la.

Let Zak 2:13

Bondie pou san pitie letan li ziz dimounn ki pa finn montre pitie; pitie gagn laviktwar lor zizman.

1 Pi 2:18

Serviter, aksepte lotorite zot bann met avek enn gran respe; pa zis bann ki bon ek zanti, me osi bann ki fer difisil.