Let Zak 3:14 - Nouvo Testaman Kreol Morisien Harmonisation NTPS KM

¹⁴ Me si zot leker li ranpli ar zalouzi, move lanvi ek lanbision, fode pa ki zot fos laverite par zot vantardiz.

Nouvo Testaman dan Kreol Morisien

¹⁴ Me si zot leker li ranpli ar zalouzi, move lanvi ek lanbision, fode pa ki zot fos laverite par zot vantardiz.

Let Zak 3:14 Referans Kwoze

Let Zak 3:16

La kot ena zalouzi, lanvi ek lanbision, pou ena osi dezord ek tout sort kalite mesanste.

1 Ko 13:4

Lamour bien pasian, lamour li bon. Li pa zalou, li pa arogan, li pa fer fier.

Let pou Filipien 2:3

Pa fer nanye par rivalite, me avek imilite, konsider lezot meyer ki zotmem.

1 Ko 3:3

Zot ankor viv kouma dimounn dan lemond. Kan ena zalouzi ek rivalite ant zot, eski zot pa pe konport zot kouma bann dimounn ki dan lemond? Eski zot pa pe mars dapre tandans imin?

Let pou Romin 13:13

Anou konport nou onetman kouma anplin lizour; pa viv dan fiesta, soulezon, imoralite sexiel, vis, lager ek zalouzi.

2 Ko 12:20

Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

Let pou Filipien 1:15

Li vre ki ena ki anons Kris par lanvi ek zalouzi, me lezot fer li avek enn bonn volonte.

Let Zak 5:19

Mo bann frer e ser, si enn parmi zot finn egare e enn lot ramenn li,

Zistwar Bann Zapot 5:17

Lerla gran pret ek tou seki ti avek li, setadir bann manb parti Sadiseen, ti ranpli ar zalouzi.

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti ayir nou, e nou ti ayir zot.

1 Tim 6:4

li gonfle ar lorgey. Li enn inioran, li fann zizani, nek kontan diskite. Samem ki koz zalouzi, dispit, kritik, soupson

1 Ko 5:2

E lorla zot arogan! Okontrer zot ti bizin dan tristes. Dimounn ki finn azir koumsa, ti bizin finn fini met li deor depi zot group.

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

Proverb 27:4

Laviolans fer per, lakoler danzere; me zalouzi pli terib ki toule-de.

Proverb 14:30

Kan to lespri trankil, to lekor bien; me kan to zalou, maladi ronz twa andan.

Ga 6:13

Parski mem bann ki resevwar sirkonsizion pa obeir lalwa; sa bann dimounn-la anvi ki zot sirkonsi pou zot fer vantar ki zot finn kapav inpoz sa sign-la lor zot.

Ga 5:26

Anou pa fer vantar, nou pa dispit avek kamarad, nou pa zalou kamarad.

Ga 5:21

lanvi, soulezon, fiesta, ek tou sort kalite lezot move aksion. Mo averti zot parey kouma mo finn fer li avan, tou bann dimounn ki pratik sa bann kiksoz-la, zot pa pou erit Rwayom Bondie.

Ga 5:15

Me si zot mord e devor zot kamarad, fer atansion, sinon zot pou fini par detrir zot kamarad.

1 Ko 5:6

Li pa korek ki zot fier. Zot bien kone ki enn tigit levin fer lapat antie gonfle.

Let pou Romin 2:17

Me si twa, ki dir to enn Zwif, ki met tou to konfians dan lalwa Moiz, ki fier lor to relasion ar Bondie,

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

Zistwar Bann Zapot 26:9

Momem mo ti sir ki mo bizin fer tou seki posib pou konbat nom Zezi Nazaret.

Zistwar Bann Zapot 13:45

Me bann Zwif ti ranpli ar zalouzi letan zot trouv sa lafoul-la. Zot insilte Pol e kontredir seki li ti pe dir.

Zn 16:2

Bann-la pou met zot deor dan sinagog. Me ler pe vini kot dimounn, ki pou touy zot, pou krwar ki zot pe servi Bondie kan zot pe fer sa,

Mt 27:18

Pilat ti kone ki zot finn livre Zezi par zalouzi.

Zistwar Bann Zapot 7:9

Bann patriars ki ti zalou Zozef ti vann li kouma enn esklav dan pei Lezip,

Ga 5:20

lidolatri, sorselri, mazik, laenn, dispit, zalouzi, koler, rivalite, lager,

1 Tim 2:4

ki oule sov tou dimounn pou ki zot arive konn laverite.

Let Zak 1:18

Par so prop volonte li finn donn nou lavi par so Parol ki laverite, pou ki nou kapav vinn kouma bann premie fri kreasion.