Let Zak 2:6 - Nouvo Testaman Kreol Morisien Harmonisation NTPS KM

⁶ Me zot finn dezonor bann pov. Kisann-la ki kraz zot e trenn zot devan tribinal? Pa bann ris?

Nouvo Testaman dan Kreol Morisien

⁶ Me zot finn dezonor bann pov. Kisannla ki kraz zot e trenn zot devan tribinal? Pa bann ris?

Let Zak 2:6 Referans Kwoze

Proverb 17:5

Si to mepriz bann pov, pa bliye, to pe mepriz zot kreater osi; ena pinision pou seki pran plezir dan soufrans lezot.

1 Ko 11:22

Eski zot pena lakaz pou manze ek bwar? Oubien zot mepriz lakaz Bondie e zot oule imilie bann ki pena nanye? Ki mo pou dir zot? Mo bizin felisit zot? Bliye sa, mo dir zot!

Proverb 14:31

Kan fer dominer ar dimounn pov, nou insilte zot kreater; me kan pran swin bann pov, nou onor li.

Psom 14:6

Bann move dimounn, zot rod devir plan ti-dimounn pov me zot bliye ki LESEGNER limem protekter bann pov.

Let Zak 5:4

Ekout mwa! Zot finn refiz pey saler bann travayer ki finn travay dan zot karo. Bann-la pe fer konplint e lavwa bann ki fer larekolt finn ariv dan zorey Bondie Toupwisan.

Let Zak 2:3

si zot pran plis kont seki bien abiye-la e dir li, “Ala enn plas doner pou twa,” me zot dir lot-la, “Debout dan kwin laba,” oubien “Asiz anba kot mo lipie,”

Zistwar Bann Zapot 17:6

Letan zot pa trouv bann-la, zot pran Zason ek de-trwa frer e trenn zot devan mazistra lavil. Zot kriye, “Sa bann dimounn ki ti pe devir lemond anba-lao la, zot finn vinn isi osi!

Zistwar Bann Zapot 13:50

Me bann Zwif ti mont latet bann madam ki ti inportan dan sosiete e ki ador Bondie e osi bann gran dirizan zom lavil. Zot ti provok enn persekision kont Pol ek Barnabas, e ti pous zot depi sa rezion-la.

Zistwar Bann Zapot 8:3

Me Sol ti pe persekit Legliz; li ti rant dan lakaz apre lakaz, li tir bann krwayan - ki li zom ki li fam - e li ti al zet zot dan prizon.

Proverb 22:16

Si to rod vinn ris lor ledo bann pov, e si to donn kado bann ris, enn zour, twa ki pou vinn pov.

Psom 12:5

LESEGNER dir, “Parski bann pov pe soufer; bann oprime pe plor zot maler, Mwa mo pou leve, mo pou donn zot proteksion ki zot bizin.”

Psom 10:14

Tousala pa vre! To bien trouv tou. To kone ena problem ek soufrans e to pran tou dan to lame. Bann ki feb ek san defans zot remet zotmem dan to lame. To finn touletan vinn osekour orfelin.

Let Zak 5:6

Zot finn kondann ek touy bann dimounn inosan ki pa finn montre rezistans.

Zistwar Bann Zapot 18:12

Me kan Galyon ti gouverner Akai bann Zwif ti marye-pike kont Pol ek zot ti amenn li devan lakour.

Psom 10:10

Bann viktim san defans pa sape e zot tom dan so pouvwar.

Psom 10:8

Li kasiet pre ar bann vilaz san defans e atann so ler pou touy inosan; dan kasiet li espionn so viktim;

Psom 10:2

Avek arogans move dimounn persekit bann pov; zot may bann-la dan zot latrap.

Zn 8:49

Zezi reponn zot, “Mwa, mo pena demon lor mwa me mo onor mo Papa, me zot, zot pa onor mwa.

Proverb 18:23

Bann pov sipliye pou gagn faver; me bann ris reponn ar koler.

Proverb 22:7

Dimounn ris dominn lor dimounn pov; bann anprinter vinn esklav bann kaser.