Let Zak 1:17 - Nouvo Testaman Kreol Morisien Harmonisation NTPS KM

¹⁷ Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa konn leklips ni lonbraz.

Nouvo Testaman dan Kreol Morisien

¹⁷ Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa kre lonbraz parski li sanz pozision.

Let Zak 1:17 Referans Kwoze

Zn 3:27

Zan reponn zot, “Personn pa kapav gagn okenn pouvwar si lesiel pa finn donn li.

Mt 7:11

Move kouma zot move, zot kone kouma donn bon kado zot zanfan, alor ki kantite bon kiksoz anplis zot Papa ki dan lesiel pou donn zot kan zot dimann li.

Eb 13:8

Zezi Kris, li parey yer, zordi ek pou touzour.

Zn 8:12

Zezi ti pe koz ar zot ankor, li dir “Momem lalimier dan lemond; seki swiv mwa pa pou mars dan teneb me li pou gagn lalimier ki donn lavi.”

1 Zn 1:5

Samem mesaz ki nou finn tande sorti kot li, ki finn anons zot ki Bondie li lalimier, dan li pena okenn teneb.

Proverb 2:6

Parski LESEGNER, limem lasours lasazes, so parol donn konesans ek disernman.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Ef 2:8

Par lagras ki zot sove, par mwayin lafwa; zot, zot pa finn fer nanye, sa enn kado Bondie sa.

Lk 11:13

Move kouma zot move, zot konn donn bon kiksoz zot zanfan; aster mazine komie plis ankor, zot Papa dan lesiel pou fer kado Lespri Sin seki dimann li.”

1 Ko 4:7

Dan ki manier to panse to pli siperyer ki enn lot? Tou seki to ena, to pa finn gagn sa ar Bondie? Si li koumsa, kifer to fer vantar komsi seki to ena la, to pa finn gagn li an kado?

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Zn 1:9

Veritab lalimier finn vinn dan lemond, li finn ekler tou dimounn.

Revelasion 21:23

Lavil-la pa ti bizin soley ouswa lalinn pou ekler li. Laglwar Bondie so lalimier e Agno Bondie so flanbo.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Lesegner Bondie, limem pou zot lalimier, e zot pou regne pou touzour.

Let Zak 1:5

Si kikenn parmi zot mank lasazes, ki li demande, Bondie pou donn li. Bondie zenere e li donn tou dimounn avek enn gran leker.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.

Let pou Filipien 1:29

Zot finn gagn privilez pou non selman krwar dan Kris me osi soufer pou li.

Zistwar Bann Zapot 11:18

Kan bann-la tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

Zistwar Bann Zapot 5:31

Bondie, par so pwisans, finn lev li lao kouma Sef ek Sover pou ki li donn Izrael lokazion repanti, e ki li pardonn zot pese.

Psom 122:6

Anou priye pou lape dan Zerizalem: “Ki zot konn prosperite, bann ki kontan twa.

Psom 85:12

LESEGNER pou donn nou prosperite e nou later so rannman pou extra bon.

Psom 102:27

Me twa to pa sanze, to lavi pa konn finision.

Psom 136:7

Li ti kree soley ek lalinn; so lamour infini li eternel.

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimounn pa pran nesans depi lao, li pa kapav konn Rwayom Bondie.”

1 Tim 6:16

li tousel imortel, li res dan enn lalimier kot personn pa kapav aprose. Personn pa finn trouv li, ni pe trouv li. Laglwar, pwisans eternel pou li. Amen.