Let pou Tit 3:7 - Nouvo Testaman Kreol Morisien Harmonisation NTPS KM

⁷ e kan li rann nou zis par lagras, nou gagn dan lesperans leritaz lavi eternel.

Nouvo Testaman dan Kreol Morisien

⁷ e kan li rann nou zis par lagras, nou gagn dan lesperans leritaz lavi eternel.

Let pou Tit 3:7 Referans Kwoze

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Let pou Romin 3:24

Me Bondie dan so bonte li zistifie dimounn gratwitman par delivrans ki Zezi Kris finn akonpli.

Let pou Tit 2:11

Lagras Bondie ki sov tou dimounn finn manifeste.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Ga 2:16

Pourtan nou kone ki enn dimounn pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pou ki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

Let pou Romin 11:6

Si sa par lagras, alor li pa kapav par aksion ki zot ti fer, sinon lagras Bondie pa ti pou vremem lagras.

Ga 3:29

E si zot pou Kris, alor zot enn desandan Abraam, zot bann eritie dapre promes Bondie.

Let pou Romin 4:16

Pou sa rezon-la, promes-la baze lor lafwa pou ki li enn don Bondie e li valab pou tou bann desandan Abraam; pa zis pou dimounn ki obeir lalwa, me osi pou dimounn ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 3:28

Nou mintenir ki enn dimounn zistifie par lafwa san ki li bizin fer travay lalwa.

1 Pi 3:7

Zot osi, bann mari, montre konsiderasion pou zot madam parski bann-la pa osi for ki zot. Tret zot avek respe parski zot osi zot eritie lagras Bondie. Lerla nanye pa pou kapav blok zot lapriyer.

Eb 11:9

Par lafwa, li finn viv dan enn pei etranze ki Bondie ti promet li. Li ti res anba latant avek Izaak ek Zakob, ki ti erit mem promes Bondie kouma li.

Eb 11:7

Par so lafwa, Noe finn tann warning Bondie lor kitsoz ki pou arive, ki li pa ti ankor trouve. Li finn obeir Bondie e finn aranz enn bato, e sa bato-la finn permet li sov lavi so fami. Par sa, Noe finn kondann lemond, e akoz so lafwa, Bondie finn konsider li kouma enn eritie lazistis.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Ga 4:7

Alor to nepli esklav me zanfan Bondie. E parski to so zanfan, to osi so eritie.

Let pou Romin 4:4

Si enn dimounn travay, so lapey pa kapav enn kado me enn kiksoz ki dwa li.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Mk 10:17

Letan Zezi ti pe sorti pou ale, enn dimounn galoupe, vini, tom dan so lipie e dimann li, “Met, twa ki bon, ki mo bizin fer pou gagn lavi eternel an-eritaz?”

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

Eb 1:14

Bann anz, eski zot pa zis bann lespri ki Bondie avoye pou servi tou seki pou sove?