Let pou Tit 3:2 - Nouvo Testaman Kreol Morisien Harmonisation NTPS KM

² Pa koz bonavini lor personn, evit dispit ek montre zot bienveyan anver zot prosin san lev lavwa an piblik.

Nouvo Testaman dan Kreol Morisien

² Pa koz bonavini lor personn, evit dispit ek montre zot bienveyan anver zot prosin san lev lavwa anpiblik.

Let pou Tit 3:2 Referans Kwoze

Ef 4:31

Met dekote tou zot lamertim, zot koler, zot laraz, zot insilt, zot mesanste; tousala bizin disparet.

Ef 4:2

ar limilite, douser ek pasians. Ki zot soutenir zot kamarad avek amour.

1 Tim 3:3

Fode pa ki li enn soular, ni kontan lager, ni fer koze vinn long ek kontan larzan. Li bizin enn dimounn trankil ki pena enn lintere personel.

1 Pi 3:10

Ofet “Bann ki anvi zwir lavi e anvi viv ere, ki zot aret koz dimal e aret koz manti.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

Let Zak 4:11

Frer ek ser, pa koz dimal lor lezot. Ninport ki koz dimal kont enn lot ou port zizman lor li, li pe koz kont lalwa e pe ziz lalwa Bondie. Si zot ziz lalwa, zot pa enn dimounn ki obeir li me zot enn ziz lor li.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

1 Pi 2:1

Alor, rezet tou bann form mesanste ek trik, ipokrizi, zalouzi ek mansonz.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Ga 6:10

Alor, tan ki nou ena letan, anou travay pou bien tou dimounn spesialman pou bann ki pros avek nou dan lafwa.

Ga 6:1

Mo bann frer, mo bann ser, si kikenn arive tom dan pese, zot ki ena Lespri Bondie, avek douser zot bizin ramenn li dan bon sime. Pran bien kont zotmem pou zot pa tom dan tantasion.

1 Tim 3:11

Zot fam osi bizin respektab, pa koz zafer dimounn, viv dan sinplisite ek azir kouma enn dimounn ki merit konfians dan tou kiksoz.

1 Tes 2:7

pourtan, nou ti kapav inpoz lor zot nou lotorite kouma bann zapot Kris. Okontrer nou finn ena enn leker zanfan vizavi zot, parey kouma enn mama pran swin so zanfan.

Let pou Filipien 4:5

Les tou dimounn konn zot bonte. Lesegner pe vini biento.

1 Ko 9:19

Mo enn dimounn lib, e mo pa esklav personn; pourtan mo fer mwa esklav tou dimounn pou ki mo kapav gagn pli boukou fidel posib.

Psom 140:11

Anpes bann foser ek manter etabli zotmem dan pei; fer ki maler pourswiv zot san arete.

2 Ko 12:20

Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

Zistwar Bann Zapot 23:5

Pol reponn, “Bann frer, mo pa ti kone ki li gran pret, parski li vre ki Lekritir dir fode pa insilte sef ki gouvern lepep.”

Proverb 25:24

Prefer dormi deor dan kwin lakaz, ki dan lakaz avek enn partner gran labous.

Let Zid 1:10

Me sa bann dimounn-la denigre seki zot pa konpran, e sa bann kiksoz ki zot kone par linstin, kouma bann zanimo sovaz, samem ki fini zot.

Let Zid 1:8

Dan mem fason, sa bann dimounn ki fer vizion la, zot sali zot lekor, rezet lotorite ek insilte bann kreatir ki viv dan laglwar eternel Bondie.

2 Pi 2:10

spesialman bann ki obeir dezir zot prop laser e mepriz lotorite Bondie. Sa bann fos profeser, zot arogan ek latet dir, zot pena respe pou kreatir lesiel e zot pa per pou insilte zot.

1 Pi 4:4

Aster-la bann payin etone parski zot refiz partisip dan sa bann move kondwit-la e bann-la insilte zot.

1 Ko 6:10

voler, akaparer, soular, bann ki dir dimal lor Bondie ek bann eskro, pa erit Rwayom Bondie.

Proverb 19:19

Enn dimounn violan bizin pey konsekans; sinon, sak fwa li pou refer so violans.