Let pou Tit 3:1 - Nouvo Testaman Kreol Morisien Harmonisation NTPS KM

¹ Rapel tou dimounn ki zot bizin respekte bann dirizan ek bann otorite sivil. Zot bizin viv dan lobeisans ek fer bann bon aksion.

Nouvo Testaman dan Kreol Morisien

¹ Rapel tou dimoun ki zot bizin respekte bann dirizan ek bann otorite sivil. Zot bizin viv dan lobeisans ek fer bann bonaksion.

Let pou Tit 3:1 Referans Kwoze

Proverb 24:21

Mo zanfan, respekte LESEGNER e respekte lerwa; pa rant kamarad ar lennmi LESEGNER, ni ar lennmi lerwa.

Mt 22:21

Zot reponn, “Lanperer.” Li dir zot, “Rann lanperer seki pou lanperer e rann Bondie seki pou Bondie.”

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

2 Tim 2:21

Koumsa mem, seki prezerv limem kont bann erer, li pou parey enn ki ena valer par so pirte. So met pou pran li bien swin ek li pou itil pou tou bann lokazion.

2 Tim 1:6

Ala kifer mo dimann twa gard vivan don spiritiel ki Bondie finn depoz dan to leker kan mo finn inpoz lame lor twa.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimounn, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bon aksion.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Tim 4:6

Si to expoz tou sa bann parol-la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek Parol lafwa e ki to pe swiv bon lansegnman avek serye.

1 Tim 2:2

pou bann lerwa, tou bann ki ena lotorite, pou ki lape ek trankilite regne e ki nou kapav viv dan lapiete ek dan dignite.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

2 Pi 1:12

Akoz samem mo panse li normal ki mo kontigne rapel zot sa bann kitsoz-la, mem si zot deza konn li e ki zot bien atase ek laverite ki zot ena aster-la.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Let Zid 1:5

Mem si zot konn tousala, mo anvi rapel zot kouma Lesegner finn sov so pep depi later Lezip enn fwa pourtou, me pli tar li ti detrir bann ki pa ti krwar.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

2 Tim 2:14

Pa les personn bliye tousala. Dimann zot, par nom Bondie, pa vinn diskit ninport. Tousala gaspiyaz pou zorey e li detrir dimounn ki pe ekoute.

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.