Let pou Romin 8:28 - Nouvo Testaman Kreol Morisien Harmonisation NTPS KM

²⁸ Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

Nouvo Testaman dan Kreol Morisien

²⁸ Nou kone ki Bondie pou servi tou kiksoz pou bienet bann dimoun ki kontan li, ki li finn apele dapre so plan.

Let pou Romin 8:28 Referans Kwoze

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

1 Ko 2:9

Me kouma Lekritir deklare, “Seki lizie pa finn trouve, seki zorey pa finn tande, seki okenn dimounn pa finn panse kapav arive, samem ki Bondie finn prepare pou dimounn ki kontan li.”

Let pou Romin 8:30

Sa bann ki Bondie ti swazire davans la, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

1 Ko 1:9

Bondie ki finn apel zot pou viv enn kominion ar so Garson Zezi Kris, sa Bondie-la li fidel.

Revelasion 3:19

Mo koriz e reprimann tou dimounn ki mo kontan, me twa, montre boukou zel e sanz to konportman.

Ga 1:15

Me Bondie dan so lagras finn swazir mwa avan mem ki mo finn ne e li finn apel mwa pou servi li.

1 Tes 5:9

Bondie pa finn fer nou pou soufer pinision me pou gagn delivrans par nou Segner Zezi Kris,

Mk 12:30

To pou kontan Lesegner to Bondie avek tou to leker, tou to lam, tou to lespri ek tou to lafors.

Ef 3:11

Tousala ti dapre plan eternel ki li finn realize par Zezi Kris nou Segner.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

1 Zn 4:19

Nou, nou kontan nou kamarad parski Bondie finn kontan nou an premie.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Let pou Romin 9:11

E pourtan avan nesans bann zimo-la, avan mem ki enn ou lot ti fer kiksoz bon ou move, e pou ki Bondie so plan eleksion kontigne existe lor baz enn swa ki li fer

Psom 69:36

Desandan so bann serviter fidel pou erit sa later la e bann ki kontan LESEGNER pou viv ere laba.

2 Ko 5:1

Nou kone ki sa latant dan ki nou pe viv la, setadir, nou lekor letan nou lor later, si li konn destriksion, Bondie rezerv enn lakaz dan lesiel, enn lakaz ki pa fer ar lame imin.

Ga 5:8

Sa linflians-la pa vinn depi kot Bondie ki finn apel zot!

Zistwar Bann Zapot 13:48

Kan bann non-Zwif tann sa, zot ti dan lazwa e zot ti glorifie Bondie. Tou bann ki ti destine pou lavi eternel ti vinn krwayan.

Let pou Romin 11:29

parski Bondie pa sanz so panse lor kisann-la li apele e kisann-la li beni.

1 Ko 1:2

Mo pe ekrir Legliz Bondie ki dan Korint, zot ki finn apele pou vinn lepep Bondie, ki li finn met apar pou li dan Zezi Kris, ansam ar lezot ki partou pe invok nom Segner Zezi Kris, zot Segner ek nou Segner.

1 Ko 1:24

Me pou bann dimounn ki Bondie finn apele, Lekris limem ki montre sazes Bondie ek pwisans Bondie.

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ef 4:1

Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Let pou Filipien 3:14

Mo galoup vit pou rant dan bit pou resevwar pri ki Bondie ofer mwa dan lesiel par Zezi Kris.

Eb 9:15

Ala kifer li mediater enn nouvo lalians, pou ki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.