Let pou Romin 8:17 - Nouvo Testaman Kreol Morisien Harmonisation NTPS KM

¹⁷ Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Nouvo Testaman dan Kreol Morisien

¹⁷ Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Let pou Romin 8:17 Referans Kwoze

Ga 4:7

Alor to nepli esklav me zanfan Bondie. E parski to so zanfan, to osi so eritie.

Ga 3:29

E si zot pou Kris, alor zot enn desandan Abraam, zot bann eritie dapre promes Bondie.

Ef 3:6

Ala mister-la: bann non-Zwif gagn mem leritaz ki bann Zwif, zot manb mem lekor, e zot partaz mem promes dan Lekris Zezi par Bonn Nouvel.

Revelasion 21:7

Dimounn ki gagn laviktwar pou resevwar sa don-la, e mo pou vinn so Bondie e li pou vinn mo zanfan.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

1 Pi 1:4

enn leritaz ki finn rezerve pou zot dan lesiel, ki pa pou disparet, ni gate oubien fletri.

Let pou Tit 3:7

e kan li rann nou zis par lagras, nou gagn dan lesperans leritaz lavi eternel.

Eb 6:17

Alor kan Bondie anvi montre so bann eritie ki pou resevwar so promes ki so desizion pa kapav kase ditou, li fer enn serman.

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Let pou Filipien 1:29

Zot finn gagn privilez pou non selman krwar dan Kris me osi soufer pou li.

2 Ko 1:7

Nou lespwar pou zot li tini ferm parski nou kone ki, parey kouma zot partaz nou soufrans, zot ousi partaz nou rekonfor.

Let pou Romin 5:17

Lamor finn manifeste so pouvwar par fot enn sel dimounn; mazine aster komie plis bann ki resevwar lagras Bondie dan labondans, ansam ar don lazistis, komie plis zot pou regne dan lavi akoz enn sel dimounn: Zezi Kris.

Eb 1:14

Bann anz, eski zot pa zis bann lespri ki Bondie avoye pou servi tou seki pou sove?

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.

Lk 12:32

Pa gagn per, ti troupo, parski Bondie kontan pou donn zot so Rwayom.

Mt 16:24

Apre sa Zezi dir ar so bann disip, “Si kikenn oule vinn ar mwa, fode pa li mazinn zis limem, me fode li pran so lakrwa pou swiv mwa.

1 Ko 2:9

Me kouma Lekritir deklare, “Seki lizie pa finn trouve, seki zorey pa finn tande, seki okenn dimounn pa finn panse kapav arive, samem ki Bondie finn prepare pou dimounn ki kontan li.”

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Zistwar Bann Zapot 20:32

Aster-la mo remet zot dan lame Bondie. So parol montre so lagras ki kapav donn zot lafors. Sa lagras-la donn zot enn leritaz parmi bann ki li finn sanktifie.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Mt 25:21

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

Lk 24:26

Eski Lekris pa ti bizin soufer avan li rant dan so laglwar?”

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

2 Ko 1:5

Parey kouma nou ena enn gran par dan soufrans Lekris, dan mem fason nou gagn gran rekonfor atraver li.

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,

Let pou Kolosien 1:24

Aster mo trouv mo lazwa dan bann soufrans ki mo soufer pou zot e mo konplet dan mo laser seki manke dan leprev ki Lekris finn aksepte pou so lekor ki apel Legliz;

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.