Let pou Romin 8:16 - Nouvo Testaman Kreol Morisien Harmonisation NTPS KM

¹⁶ Lespri Bondie zwenn li ansam ar nou lespri pou deklare ki nou zanfan Bondie.

Nouvo Testaman dan Kreol Morisien

¹⁶ Lespri Bondie zwenn li ansam ar nou lespri pou deklare ki nou zanfan Bondie.

Let pou Romin 8:16 Referans Kwoze

1 Zn 4:13

Ala kouma nou kone ki nou ini ar Bondie e ki li dan nou: parski li finn donn nou so Lespri.

2 Ko 1:22

li finn met enn sele lor nou pou montre ki nou so zanfan, li finn met Lespri Sin dan nou leker kouma enn garanti bann dibien ki rezerve pou nou.

2 Ko 5:5

Bondie limem finn prepar nou pou sa, e finn donn nou so Lespri kouma enn garanti pou seki li rezerve pou nou.

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Let pou Romin 8:26

Dan mem manier Lespri vinn ed nou dan nou febles, parski nou pa konn priye kouma bizin, me Lespri limem intersed pou nou par bann soupir ki pa kapav exprime par okenn parol.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem proprieter; sa enn garanti ziska sa Zour kot Bondie pou delivre zot.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

1 Zn 5:10

Dimounn ki krwar dan Garson Bondie, li ena sa temwaniaz-la dan so leker. Dimounn ki pa krwar dan Bondie, li finn fer li pas pou enn manter, parski li pa finn krwar temwaniaz ki Bondie finn done lor so Garson.

Mt 5:9

Bienere zot ki met lape, Bondie pou apel zot so bann zanfan.

Lk 20:36

Zot pa kapav mor ankor parski zot kouma bann anz e zot finn vinn bann zanfan Bondie parski zot bann zanfan larezireksion.

Zn 1:12

Li finn donn tou dimounn ki finn resevwar li e ki krwar dan so nom pouvwar pou vinn zanfan Bondie.

Zistwar Bann Zapot 5:32

Nou temwin tou seki finn arive, nou ansam avek Lespri Sin ki Bondie finn donn bann dimounn ki obeir li.”

Let pou Romin 8:14

Tou seki dirize par Lespri Bondie, zot zanfan Bondie.

Let pou Romin 8:19

Kreasion antie pe atann avek inpasians ki Bondie revel so bann zanfan.

Let pou Romin 9:8

Savedir pa bann zanfan par nesans natir imin ki zanfan Bondie, me bann zanfan ki finn ne dapre promes Bondie ki pou konsidere kouma vre desandan.

Let pou Romin 9:26

“E dan sa mem plas kot Bondie ti dir, ‘To pa mo pep,’ lamem pou apel zot, ‘Zanfan Bondie vivan.’ ”

2 Ko 6:18

Momem, mo pou enn Papa pou zot, e zot, zot pou mo garson, zot pou mo tifi.”

Ga 3:26

Zot tou bann zanfan Bondie par lafwa dan Zezi Kris.

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemond pa konn nou, parski li pa finn konn Bondie.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

Revelasion 21:7

Dimounn ki gagn laviktwar pou resevwar sa don-la, e mo pou vinn so Bondie e li pou vinn mo zanfan.