Let pou Romin 6:4 - Nouvo Testaman Kreol Morisien Harmonisation NTPS KM

⁴ Par nou batem nou finn antere avek li e nou finn partaz so lamor, pou ki nou viv enn nouvo lavi parey kouma Lekris finn resisite depi lamor par laglwar so Papa.

Nouvo Testaman dan Kreol Morisien

⁴ Par nou batem nou finn antere avek li e nou finn partaz so lamor, pouki nou viv enn nouvo lavi parey kouma Lekris finn resisite depi lamor par laglwar so Papa.

Let pou Romin 6:4 Referans Kwoze

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

Let pou Romin 7:6

Aster-la nou lib par rapor ar lalwa. Nou finn mor par rapor ar seki ti gard nou esklav. Koumsa nou servi dan enn nouvo fason dapre Lespri, nou pa servi dan vie fason dapre lalwa ki finn ekrir.

1 Pi 3:21

Sa enn fason pou montre batem ki pe sov zot aster-la; pa pou lav inpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,

Let pou Romin 6:9

Parski nou kone ki depi ki li finn resisite, Lekris pa pou mor ankor; lamor nepli ena pouvwar lor li.

2 Ko 13:4

Letan ti krisifie li, li ti dan febles, me aster-la li vivan par pwisans Bondie. Dan Lekris nou osi nou feb, me par pwisans Bondie nou pou vivan avek li pou zot.

Let pou Romin 6:3

Zot pa kone ki nou tou ki finn batize dan Lekris nou finn batize dan so lamor?

1 Zn 2:6

Dimounn ki dir li ini avek li, bizin mars parey kouma li.

1 Ko 6:14

Par so pwisans, Bondie finn resisit Lesegner depi lamor, e li pou fer nou osi resisite.

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bann-la zot panse pena okenn valer,

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, aster-la ofer zotmem kouma esklav lavi drwat devan Bondie ki pou amenn zot ver enn lavi sin.

Zn 11:40

Zezi dir li, “Mo pa finn dir twa ki si to krwar to pou trouv laglwar Bondie?”

Zistwar Bann Zapot 2:24

Me Bondie finn resisit li, finn tir li dan douler lamor, parski li ti inposib ki lamor tini li dan so pouvwar.

Let pou Kolosien 4:1

Bann met, tret zot esklav dan enn fason zis ek korek, parski zot kone ki zot ousi zot ena zot Met dan lesiel.

Ef 5:8

Avan zot ti teneb, aster-la dan Lesegner zot lalimier; mars kouma bann zanfan lalimier.

Zn 2:11

Samem premie sign Zezi ti fer. Sa ti pas dan Kana dan Galile; li finn montre so laglwar e so bann disip finn krwar dan li.

Zistwar Bann Zapot 2:32

Bondie ti resisit Zezi depi lamor e nou bann temwin ki sa ti arive.

Let pou Romin 6:8

Si nou finn mor avek Lekris, nou krwar avek konviksion ki nou pou viv avek li.