Let pou Romin 6:22 - Nouvo Testaman Kreol Morisien Harmonisation NTPS KM

²² Aster-la zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Nouvo Testaman dan Kreol Morisien

²² Asterla zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Let pou Romin 6:22 Referans Kwoze

1 Pi 2:16

Konport zot kouma bann dimounn lib. Pa bizin servi zot liberte kouma enn vwal pou kasiet lemal, me azir kouma serviter Bondie.

Let pou Romin 6:18

Bondie finn liber zot depi zot pese e zot finn vinn esklav lazistis.

Let pou Romin 8:2

An-efe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Zn 8:32

Zot pou konn laverite e laverite pou rann zot lib.”

Ga 5:13

Me zot, mo bann frer ek ser, finn apel zot pou ki zot lib. Selman fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

1 Ko 7:22

Parski enn esklav ki Lesegner apele li enn zom lib ki depann lor Lesegner; parey, zom lib ki Lekris apele, li so esklav.

1 Pi 1:9

parski zot pe rekolte fri zot lafwa; delivrans zot lam.

Ga 1:10

Aster-la, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

Let pou Romin 6:14

An-efe, pese pou nepli dominn zot parski zot nepli anba lalwa, me zot pe viv dan lagras Bondie.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Let pou Romin 7:4

Li parey pou zot mo bann frer, mo bann ser. Par rapor ar lalwa zot finn mor, parski zot fer parti lekor Lekris, pou ki zot apartenir ar enn lot ki finn resisite depi bann mor, koumsa nou kapav raport fri pou Bondie.

Let pou Romin 6:21

Ki profi zot ti gagne dan enn lavi ki ti pe kondir zot ver lamor e ki zordi fer zot gagn onte? Sa bann louvraz-la amenn lamor!

Mt 25:46

E sa bann-la pou pini pou touletan, me bann zis, zot pou gagn lavi eternel.”

Psom 143:12

Parski to kontan mwa, detrir mo lennmi e detrir mo bann adverser, akoz mo to serviter.

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Let pou Filipien 4:17

Mo pa zis anvi rod enn donasion ki pou mo prop benefis.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Ef 5:9

Fri lalimier li dan tou seki bon, tou seki bien, tou seki vre.

2 Ko 3:17

Lesegner limem Lespri, ek la kot Lespri prezan, la ena liberte.

Let pou Romin 7:25

Granmersi Bondie, par nou Segner Zezi Kris! Par mo lintelizans mo esklav Bondie, me par mo lekor mo esklav lalwa pese.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zn 15:2

Tou brans ki lor sa pie-la e ki pa raporte, mo Papa tir zot zete; me tou brans ki raporte, li tay zot pou ki zot donn ankor plis.

Zn 4:36

Kouper-la pe deza tous so lapey e li pe ramas so rekolt pou lavi eternel; lerla, toule-de, planter ek kouper pou fet lakoup ansam.

Mt 19:29

Dimounn ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

Mt 13:43

Lerla, bann ki finn res fidel pou briye kouma lalimier soley dan rwayom zot Papa. Seki ena zorey ava tande.”

Mt 13:40

Parey kouma nou ramas bann move lerb pou brile, koumsa mem li pou ete ler lafin-dimond arive.

Psom 92:14

ki kontign port fri dan zot vieyes e ki touletan ver ek for.

Revelasion 7:13

Apre sa, enn parmi bann ansien adres mwa laparol, li dir, “Ki sann-la sa bann dimounn ki finn abiy an blan la, e kot zot sorti?”

Let Zak 1:1

Mwa, Zak, enn serviter Bondie ek Segner Zezi Kris, Mo pe salie zot tou pep Bondie disperse dan lemond antie.

Psom 86:2

Prezerv mo lavi parski mo to serviter lwayal. Protez ek sov to serviter ki finn met so konfians dan twa.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pou ki zot res ferm, avek bann konviksion for, e ki zot donn enn wi total pou fer volonte Bondie.

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.