Let pou Romin 4:11 - Nouvo Testaman Kreol Morisien Harmonisation NTPS KM

¹¹ Plitar ki Abraam ti gagn sirkonsizion kouma enn sign ki Bondie aksepte li akoz so lafwa, mem si li pa ti ankor fer sirkonsizion. Alor Abraam finn vinn papa tou dimounn ki krwar dan Bondie san ki zot fer sirkonsizion, pou ki met lazistis lor zot kont.

Nouvo Testaman dan Kreol Morisien

¹¹ Plitar ki Abraam ti gagn sirkonsizion kouma enn sign ki Bondie aksepte li akoz so lafwa, mem si li pa ti ankor fer sirkonsizion. Alor Abraam finn vinn papa tou dimoun ki krwar dan Bondie san ki zot fer sirkonsizion, pouki met lazistis lor zot kont.

Let pou Romin 4:11 Referans Kwoze

Let pou Romin 3:22

Bondie rann nou zis devan li par lafwa ki nou ena dan Zezi Kris. Li tret tou dimounn egal,

Lk 19:9

Lerla Zezi dir li, “Zordi mem, delivrans finn rant dan sa lakaz-la parski li osi, li enn zanfan Abraam.

Eb 11:7

Par so lafwa, Noe finn tann warning Bondie lor kitsoz ki pou arive, ki li pa ti ankor trouve. Li finn obeir Bondie e finn aranz enn bato, e sa bato-la finn permet li sov lavi so fami. Par sa, Noe finn kondann lemond, e akoz so lafwa, Bondie finn konsider li kouma enn eritie lazistis.

2 Ko 1:22

li finn met enn sele lor nou pou montre ki nou so zanfan, li finn met Lespri Sin dan nou leker kouma enn garanti bann dibien ki rezerve pou nou.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem proprieter; sa enn garanti ziska sa Zour kot Bondie pou delivre zot.

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Ga 6:16

Tou dimounn ki mars dapre sa prinsip-la, lape ek mizerikord pou ar zot ek Izrael pep Bondie osi.

Ga 5:5

Pou nou, par Lespri ek par lafwa, nou atann dan lesperans ki Bondie rann nou zis.

Ga 3:29

E si zot pou Kris, alor zot enn desandan Abraam, zot bann eritie dapre promes Bondie.

Ga 3:22

Me Lekritir deklare ki lemond antie prizonie pouvwar pese, pou ki promes Bondie li realize pou bann krwayan akoz zot lafwa dan Zezi Kris.

Ga 3:7

Alor, zot bizin konpran ki bann ki viv dan lafwa, zotmem ki desandan Abraam.

Let pou Romin 10:11

Kouma Lekritir dir, “Seki krwar dan li pa pou konn dezoner.”

Let pou Romin 10:6

Me drwatir ki dapre lafwa dir: “Pa dir dan to leker, ‘Kisann-la pou mont lao dan lesiel?’ Setadir, pou al demann Lekris desann kot nou.

Let pou Romin 10:4

Lekris finn amenn lalwa ver so lafin, pou ki tou seki krwar Bondie, zot zistifie.

Zn 6:35

Zezi reponn zot, “Momem dipin ki donn lavi; seki vinn ar mwa pa pou gagn fin e seki krwar dan mwa zame pou gagn swaf.

Revelasion 9:4

Finn dir zot pa detrir bann lerb ni okenn verdir ou zarb lor later. Zot ena drwa detrir zis bann dimounn ki pena sele Bondie lor zot fron.

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

Let pou Romin 9:30

Ki nou kapav dir alor? Bann non-Zwif ki pa ti pe rod rann zot drwat devan Bondie, finn vinn drwat par lafwa;

Let pou Romin 9:6

Sa pa vedir ki Parol Bondie pa finn reisi; parski, pa tou desandan Izrael ki vre Izraelit.

Let pou Romin 3:26

li ti fer sa pou montre so lazistis dan letan prezan, pou montre ki limem li zis e ki li zistifie bann ki ena lafwa dan Zezi.

Zn 8:33

Zot reponn li, “Nou bann desandan Abraam; zame nou finn esklav personn; ki to pe rod dir, kan to dir, ‘Zot pou libere’?”

Zn 6:47

Vremem laverite mo dir zot, dimounn ki krwar, gagn lavi eternel.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Mt 16:16

Simon Pier reponn, “To Lemesi, Garson Bondie Vivan.”

Mt 8:11

Ala mo dir zot: boukou pou sorti dan les ek dan lwes e pou asiz atab avek Abraam, Izaak, ek Zakob dan rwayom lesiel.

Let pou Romin 9:33

kouma finn ekrir: “Gete, mo finn plas enn ros dan Sion ki pou fer dimounn kogne, enn ros ki pou fer zot tonbe. Me ninport kisann-la ki krwar dan li pa pou tom dan laont.”

Psom 47:9

Tou bann dirizan lezot nasion rasanble avek lepep Bondie ki Abraam ti priye. Tou pouvwar lor later pou Bondie limem ki pli lao ki tou.

Zn 3:33

Dimounn ki aksepte so temwaniaz sertifie ki Bondie mem laverite.

Let pou Romin 3:30

parski Bondie enn sel, e li pou zistifie bann ki pratik sirkonsizion akoz zot lafwa, e li pou zistifie bann ki pa pratik sirkonsizion akoz zot lafwa.

Let pou Romin 4:10

Kan sa ti pase? Apre sirkonsizion Abraam, oubien avan? Pa apre, me avan.