Let pou Romin 2:15 - Nouvo Testaman Kreol Morisien Harmonisation NTPS KM

¹⁵ Sa montre ki seki lalwa demande finn ekrir dan zot leker. Zot konsians osi prouve ki sa vre; parfwa zot lespri akiz zot, parfwa li defann zot.

Nouvo Testaman dan Kreol Morisien

¹⁵ Sa montre ki seki lalwa demande finn ekrir dan zot leker. Zot konsians osi prouve ki sa vre; parfwa zot lespri akiz zot, parfwa li defann zot.

Let pou Romin 2:15 Referans Kwoze

2 Ko 5:11

Parski nou bien kone ki savedir ena reverans pou Lesegner, alor nou sey konvink lezot. Bondie bien konn nou, e mo espere ki dan zot leker zot osi zot konn mwa.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

1 Tim 4:2

Pou ena predikater manter, bann ipokrit ki zot konsians finn nepli sansib, koumadir finn brile ar feray so.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

Zistwar Bann Zapot 24:16

Akoz samem mo finn touletan fer tou mo posib pou ki mo konsians kler devan Bondie ek devan bann zom.

Zistwar Bann Zapot 23:1

Pol fixe bann manb konsey e li dir zot, “Mo bann frer, mo konsians trankil lor manier mo finn servi Bondie ziska aster-la.”

Zn 8:9

Me kan zot tann sa, enn par enn zot ale; dabor bann pli vie e alafin res zis Zezi tou sel ek fam-la ki ti pe debout devan li.

Let pou Romin 2:14

Kan bann non-Zwif ki pa konn lalwa Bondie met li an pratik par zotmem, li koumadir zot enn lalwa pou zotmem, mem si zot pena lalwa.

Let pou Romin 2:27

Seki pa finn fer sirkonsizion dan so lekor, me li obeir lalwa, li pou kondann twa ki dezobeir lalwa, mem si to ena lalwa dan form Lekritir ek to finn fer sirkonsizion.