Biblia Todo Logo
Bib sou entènèt

- Piblisite -




Let pou Romin 16:17 - Nouvo Testaman Kreol Morisien Harmonisation NTPS KM

17 Mo sipliye zot, bann frer, bann ser, res lor zot gard kont bann dimounn ki diviz lezot pou fer bann klik, e egar zot par bann lansegnman ki kontrer ar seki zot ti aprann. Evit sa bann-la.

Gade chapit la Kopi

Nouvo Testaman dan Kreol Morisien

17 Mo sipliye zot, bann frer, bann ser, res lor zot gard kont bann dimoun ki diviz lezot pou fer bann klik, e egar zot par bann ansegnman ki kontrer ar seki zot ti aprann. Evit sa bannla.

Gade chapit la Kopi




Let pou Romin 16:17
25 Referans Kwoze  

Samem bann dimounn ki fer divizion. Zot swiv zot linstin natirel, zot pena Lespri Sin.


Mo bann frer ek ser, lor nom nou Segner Zezi Kris, nou dimann zot pou gard zot distans avek bann krwayan ki pe viv dan dezord e pa pe swiv bann tradision ki nou finn donn zot.


Me zot pou fer sanblan zot relizie alor ki zot bann ipokrit. Pa frekant zot.


Pran gard ki personn pa piez zot dan bann gran lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.


Pou seki konsern bann divizer, apre de warning, bizin koupe ar zot.


malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.


Kan mo ti kit Masedwann, mo ti rekomann twa res dan Efez. Ena dimounn pe propaz enn lot lansegnman. To bizin dir zot arete.


Mo bann frer, mo bann ser, zot tou bizin imit mwa. Nou finn donn bon lexanp, alor obzerv bien bann ki kondir zot dapre sa bon lexanp-la.


Maler pou lemond akoz bann kiksoz ki fer dimounn tom dan pese. Sa bann kiksoz-la zot inevitab, me malere sa dimounn ki responsab tousala.


Zot ankor viv kouma dimounn dan lemond. Kan ena zalouzi ek rivalite ant zot, eski zot pa pe konport zot kouma bann dimounn ki dan lemond? Eski zot pa pe mars dapre tandans imin?


Nou finn tann dir ki de-trwa dimounn ki sorti kot nou, finn trakas zot ek boulvers zot par seki zot finn dir. Nou pa ti donn bann-la okenn instriksion.


Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.


Si li refiz ekout zot, dir tou ar Legliz; e si li refiz ekout Legliz, konsider li kouma enn payin oubien enn komi tax.


Premie dabor, kan zot zwenn ansam kouma Legliz, mo tann dir ki ena divizion parmi zot; e mo krwar ki sa li vre, sa.


Zezi dir ar so bann disip, “Li normal ki ena obstak ki fer dimounn tonbe, me li bien malere pou sa dimounn ki fer lezot tonbe la!


Fer atansion bann fos profet ki vini kouma bann mouton me ki an-verite zot bann loulou feros.


Swiv nou:

Piblisite


Piblisite