Let pou Romin 14:2 - Nouvo Testaman Kreol Morisien Harmonisation NTPS KM

² Lafwa enn dimounn permet li manz tou kiksoz, me enn lot ki so lafwa feb manz zis legim.

Nouvo Testaman dan Kreol Morisien

² Lafwa enn dimoun permet li manz tou kiksoz, me enn lot ki so lafwa feb manz zis legim.

Let pou Romin 14:2 Referans Kwoze

1 Tim 4:4

Tou seki Bondie kree, li bon. Nanye pa bizin zete, me akeyir plito avek remersiman.

Let pou Romin 14:14

Par lafwa ki mo ena dan Lesegner Zezi, mo kone ek mo garanti ki nanye dan limem pa inpir. Me si kikenn panse ki enn kiksoz inpir, li inpir zis pou sa dimounn-la.

Proverb 15:17

Prefer manz enn ti repa legim kot lamour regne; ki enn gran festin laviann ar bann ipokrit.

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

Ga 2:12

Ofet avan ki Zak ti avoy sertin dimounn, Pier ti pe manz avek bann payin; me ler bann-la vini, li retir li, li ti per bann ki partizan sirkonsizion.

Eb 9:10

Me li konsern selman manze, bwar ek diferan seremoni pirifikasion, enn bann rit imin ki finn inpoze ziska ki tou pou sanze pou touletan.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

1 Ko 10:25

Zot lib pou manz tou seki vande dan bazar-laviann san bizin poz okenn kestion ki ena pou fer ar konsians,

Let pou Romin 14:1

Akeyir seki feb dan lafwa, pa diskit bann lopinion.

Let pou Romin 14:20

Pa akoz size manze, nou al detrir seki Bondie finn fer. Tou manze bon, me li pa bon ki akoz enn manze, enn kikenn tom dan pese.

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

1 Ko 8:9

Alor to bizin fer atansion ki sa liberte ki to servi la li pa fer enn lot ki feb dan lafwa tom dan lerer.

1 Ko 9:22

Ar bann feb, mo viv kouma enn feb pou gagn zot. Mo donn tou mo posib pou sov inpe dimounn par sa manier-la.