Let pou Romin 14:18 - Nouvo Testaman Kreol Morisien Harmonisation NTPS KM

¹⁸ Seki servi Lekris dan sa fason-la li agreab devan Bondie ek li aprouve par dimounn.

Nouvo Testaman dan Kreol Morisien

¹⁸ Seki servi Lekris dan sa fason la li agreab devan Bondie ek aprouve par dimoun.

Let pou Romin 14:18 Referans Kwoze

2 Ko 8:21

Nou oule fer tou kiksoz dan enn fason korek, pa zis devan Bondie, me osi devan tou dimounn.

1 Pi 2:20

Ofet ki merit zot ena si zot siport bann kou kan zot finn fer ditor? Me si, apre ki zot finn fer dibien, zot ena pou soufer, sa li enn lagras devan Bondie.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

2 Ko 5:11

Parski nou bien kone ki savedir ena reverans pou Lesegner, alor nou sey konvink lezot. Bondie bien konn nou, e mo espere ki dan zot leker zot osi zot konn mwa.

1 Pi 3:16

alor fer li avek zantiyes ek respe. Gard zot konsians kler, pou ki letan zot gagn insilte, bann ki dir dimal lor zot bonn kondwit kouma Kretien, zot pou onte ar seki zot pe dir.

1 Tim 5:4

Si enn vev ena zanfan ou ti-zanfan, bizin montre zot kouma met an-pratik zot lafwa anver zot fami e rann zot paran ou gran paran seki zot dwa. Vremem, sa pou fer Bondie plezir.

1 Tim 2:3

Sa li enn gran zafer e li agreab pou Bondie nou Sover

Let pou Kolosien 3:24

Parski zot kone ki leritaz zot pou resevwar an rekonpans ar Lesegner. Se Lekris ki Lemet, e zot pe servi li.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

2 Ko 6:4

Okontrer, nou prezant noumem dan tou sirkonstans kouma bann serviter Bondie; nou siport bann soufrans, detres, angwas,

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

1 Ko 7:22

Parski enn esklav ki Lesegner apele li enn zom lib ki depann lor Lesegner; parey, zom lib ki Lekris apele, li so esklav.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let pou Romin 14:4

Kisann-la to ete pou ziz serviter enn lot? Si li tini ferm ou si li tonbe, sa regard so met. Me li pou tini ferm, parski Lesegner ena pouvwar pou soutenir li.

Let pou Romin 12:11

Travay dir ek pa fer pares. Servi Lesegner avek enn lespri fervan.

Let pou Romin 6:22

Aster-la zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Zistwar Bann Zapot 10:35

Bondie aksepte ninport ki dimounn dan ninport ki nasion si li ador li e fer seki drwat.

Zn 12:26

Si kikenn anvi servi mwa, fode li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Mk 13:34

Li parey kouma enn dimounn ki pe parti; avan li kit so lakaz, li donn bann serviter lotorite pou azir, sakenn so latas e li donn gardien lord pou veye.

2 Ko 5:9

Ki nou dan sa lekor-la ou andeor li, nou anvi fer nou Segner plezir. Sa nou pli gran dezir sa.

Let pou Filipien 4:8

Finalman, mo bann frer e ser, pans bien lor tou seki vre, onorab, zis, pir, admirab ek tou seki merit nou louanz.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.