Let pou Romin 12:8 - Nouvo Testaman Kreol Morisien Harmonisation NTPS KM

⁸ si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Nouvo Testaman dan Kreol Morisien

⁸ si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Let pou Romin 12:8 Referans Kwoze

2 Ko 9:7

Sakenn bizin donn dapre seki li finn deside dan so leker, san regrete ek san presion lor li. Bondie kontan dimounn ki donn avek lazwa.

1 Tim 5:17

Bann ansien ki diriz bien Legliz merit enn doub saler, sirtou bann ki bizin travay dir pou prese ek ansegne.

1 Ko 12:28

Bondie finn met tou anplas dan Legliz. Premie, li finn met Zapot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay Legliz, e bann ki koz langaz ki ena parol etranz.

Eb 13:17

Obeir zot dirizan e swiv zot lord, parski bann-la pe vey lor zot nam, zot bann dimounn ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Zistwar Bann Zapot 15:32

Zid ek Silas, ki zotmem zot ti bann profet, ti explik boukou pou ankouraz ek ranforsi bann frer dan zot lafwa.

Zistwar Bann Zapot 13:15

Kouma fini lir liv Lalwa ek liv Profet, bann sef sinagog fer dir zot, “Mo bann frer, si zot ena kit mesaz pou ankouraz bann dimounn ki la, zot kapav koze.”

Eb 13:24

Fer konpliman tou zot dirizan, ek tou pep Bondie. Bann frer e bann ser an Itali fer zot konpliman.

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Eb 10:25

Anou pa abandonn nou lasanble kouma de-trwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

2 Ko 8:12

Si zot ena bonn volonte, Bondie aksepte don ki zot done dapre seki zot ena, pa dapre seki zot pena.

1 Ko 14:3

Me tou seki profetize koz ar dimounn pou fortifie zot, pou ankouraz zot ek konsol zot.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Zistwar Bann Zapot 20:2

Pandan so vwayaz dan sa rezion-la li ankouraz bann fidel, ziska ki li ariv Lagres.

1 Tim 4:13

Ziska ki mo vini, konsakre to letan pou etidie Lekritir, fer bann predikasion ek donn lansegnman.

1 Tes 2:8

Nou lafeksion pou zot li telman gran ki nou ti pare pou partaz avek zot, pa zis Bonn Nouvel Bondie me osi nou prop lavi, telman zot ti finn vinn pros ar nou.

1 Tes 2:3

Ofet, lapel ki nou pe adres zot tou, li pa baze lor bann fos mesaz ouswa bann motif inpir, nou pa anvi trik personn.

Let pou Kolosien 3:22

Bann esklav, dan tou kiksoz obeir zot bann met ki lor later. Servi zot, pa parski pe vey zot, kouma dir zot pe rod fer plezir bann imin, me ar enn leker ki sinp e ki ena lakrint pou Lesegner.

Ef 6:5

Bann esklav bizin obeir zot met lor later ar lakrint e tranbleman; fer sa avek enn leker sinser, koumadir zot pe servi Lekris.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 9:13

Akoz prev ki zot montre par zot servis, enn kantite pou glorifie Bondie pou zot fidelite anver Bonn Nouvel Lekris, zot gran zenerozite pou partaz zot dibien avek bann-la, e avek tou lezot ankor.

2 Ko 9:11

Li pou touletan fer zot ena ase larises pou ki zot res zenere; koumsa atraver nou, enn kantite dimounn pou remersie Bondie pou bann don ki zot finn done.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Let pou Romin 13:6

Akoz sa osi ki zot bizin pey tax, parski bann-la pe donn zotmem pou akonplir sa travay-la kouma bann serviter Bondie.

Let pou Romin 12:13

Partaz seki zot ena ar bann frer ek ser ki pena. Pratik lospitalite touletan.

Mt 25:40

Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Proverb 22:9

Bann dimounn ki ena bon leker pou gagn benediksion, parski zot partaz zot manze ar bann pov.

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Psom 37:21

Move dimounn kontan pran prete me zame li ranbourse; bon dimounn li zenere e li kontan partaze.

Zistwar Bann Zapot 13:12

Letan gouverner trouv seki finn arive, li vinn enn krwayan. Li ti bien inpresione par lansegnman Lesegner.

Zistwar Bann Zapot 4:36

Zozef ti enn Levit ki ti ne an Sip, bann zapot ti donn li enn nom gate Barnabas, ki vedir ‘Garson ki ankouraz lezot.’

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.