Let pou Romin 10:16 - Nouvo Testaman Kreol Morisien Harmonisation NTPS KM

¹⁶ Me pa tou Izraelit ki ti aksepte Bonn Nouvel. Izai mem ti dir, “Segner, kisann-la finn krwar nou mesaz?”

Nouvo Testaman dan Kreol Morisien

¹⁶ Me pa tou Izraelit ki ti aksepte Bonn Nouvel. Izai mem ti dir, “Segner, kisannla finn krwar nou mesaz?”

Let pou Romin 10:16 Referans Kwoze

Let pou Romin 3:3

Me ki arive si ena parmi zot pa finn fidel? Ki, akoz sa Bondie pa pou fidel li?

Eb 4:2

Bonn Nouvel finn vinn kot nou parey kouma kot bann-la ki ti dan dezer. Me mesaz ki zot finn tande pa finn profit zot, parski zot pa finn aksepte mesaz-la avek lafwa.

2 Tes 1:8

zot pou vini avek enn laflam dife, pou vanz kont bann ki pa konn Bondie e ki pa obeir Bonn Nouvel nou Segner Zezi Kris.

Ga 5:7

Zot ti pe bien galoup zot lekours. Alor ki finn kas zot lelan pou anpes zot obeir laverite?

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.

Eb 11:8

Par lafwa, Abraam ti obeir ler Bondie ti apel li pou al dan pei ki li ti bizin resevwar kouma eritaz. Li kit so prop pei san ki li kone kot li pe ale.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

Let pou Romin 6:17

Granmersi Bondie! Zot ki ti esklav pese, zordi avek tou zot leker zot obeir laverite ki dan lansegnman ki zot ti resevwar.

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

1 Pi 3:1

Bann madam, zot osi, soumet ar zot mari. Mem si sertin mari pa krwar Parol Bondie, zot pou kapav benefisie atraver konportman zot fam,

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Ga 3:1

Ayo, bann Galat, ala zot bet! Kisann-la finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

Let pou Romin 16:26

me ki aster-la finn revele par seki bann profet ti ekrir par komannman Bondie, pou ki tou bann pep ki pe gagn konesans krwar e obeir Bondie.

Let pou Romin 11:17

Si finn koup inpe brans lor pie zoliv, e twa, ki enn brans zoliv sovaz, finn gref twa lor sa pie-la ansam ar lezot brans, e to pe profit manze ki rasinn pe avoye,

Let pou Romin 1:5

Par li Bondie finn fer mwa lagras pou vinn enn zapot pou al apel dimounn parmi tou bann nasion pou krwar e pou obeir, e sa glorifie so nom.

Zistwar Bann Zapot 28:24

Ena ki ti dakor ar so bann parol, ena ti refiz krwar.

Zn 10:26

me zot pa krwar parski zot pa form parti mo bann brebi.

Mt 13:14

Sa parol ki profet Izai ti dir pou zot la, pe akonpli: ‘Zot pou bon ekoute me zot pa pou konpran zot pou bon gete e zot pa pou trouve.