Let pou Romin 1:9 - Nouvo Testaman Kreol Morisien Harmonisation NTPS KM

⁹ Bondie mo temwin. Mo servi li ar tou mo leker par Bonn Nouvel ki mo anonse ki konsern Zezi Kris. Li kone ki mo pans zot touletan, sak fwa ki mo priye.

Nouvo Testaman dan Kreol Morisien

⁹ Bondie mo temwin. Mo servi li ar tou mo leker par Bonn Nouvel ki mo anonse ki konsern Zezi Kris. Li kone ki mo pans zot touletan, sak fwa ki mo priye.

Let pou Romin 1:9 Referans Kwoze

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

2 Tim 1:3

Mo rann gras Bondie ki mo servi avek enn konsians kler, parey kouma mo bann anset. Lanwit, lizour mo pa aret pans twa dan mo lapriyer.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

1 Tes 5:17

Priye touletan.

2 Ko 1:23

Mo pran Bondie kouma temwin, mo finn refiz retourn Korint pou pa donn zot tro boukou traka.

1 Tes 3:10

Lanwit-lizour, nou pe priye Bondie pou ki nou kapav trouv zot fasafas e azout seki manke dan zot lafwa.

1 Tes 1:2

Touletan nou pe remersie Bondie pou zot tou e nou pa fini pans zot dan nou lapriyer.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

Let pou Filipien 1:4

sak lapriyer ki mo fer pou zot, li touzour avek lazwa ki mo priye,

Zistwar Bann Zapot 27:23

Yer swar, Bondie ki mo adore e ki mo servi, finn avoy mwa enn anz ki finn dir mwa,

Zistwar Bann Zapot 19:21

Apre tou sa bann evennman-la, Lespri Sin gid Pol pou pas par Masedwann ek Akai pou al Zerizalem. Li dir, “Kan mo sorti laba, mo bizin al Rom.”

1 Tim 2:7

Li finn swazir mwa pou proklam so mesaz e li avoy mwa kouma enn zapot pou pran sarz ek pou instrir tou bann ki pa Zwif dan lafwa ek laverite; seki mo pe dir li vre.

Let pou Filipien 2:22

Me zot konn Timote bien, li finn fer so prev; kouma enn garson ki travay anba lotorite so papa, zot kone li finn touzour akote mwa pou anons Bonn Nouvel.

Ga 1:20

Seki mo pe ekrir zot la, Bondie kone ki mo pa pe koz manti.

2 Ko 11:31

Bondie ki Papa Lesegner Zezi, ki beni pou leternite, kone ki mo pa pe koz manti.

Zistwar Bann Zapot 24:14

Me mo rekonet ki dapre Vre Sime (ki bann-la pe dir fos) mo pe ador Bondie nou bann anset. Mo krwar dan lalwa ek seki bann profet finn ekrir.

Zistwar Bann Zapot 12:5

Pandan ki Pier ti dan prizon Legliz ti priye Bondie boukou pou li.

Zistwar Bann Zapot 3:26

Bondie finn avoy so serviter, pou zot dabor, pou beni zot e fer zot sanz zot bann move manier.”

Lk 18:1

Zezi rakont enn parabol pou montre ki bizin touletan priye san dekouraze.

Mk 1:1

Koumansman Bonn Nouvel Zezi Kris Garson Bondie.

Let pou Filemon 1:4

Sak fwa ki mo priye, mo pans twa e mo remersi Bondie,

Let pou Filipien 1:3

Sak fwa ki mo pans zot, mo remersie Bondie: