Let pou Romin 1:14 - Nouvo Testaman Kreol Morisien Harmonisation NTPS KM

¹⁴ Li mo devwar pou al kot tou dimounn, bann sivilize ek bann ki pa sivilize, bann edike, bann ki pa edike.

Nouvo Testaman dan Kreol Morisien

¹⁴ Li mo devwar pou al kot tou dimoun, bann sivilize ek bann ki pa sivilize, bann edike, bann ki pa edike.

Let pou Romin 1:14 Referans Kwoze

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

Zistwar Bann Zapot 9:15

Lesegner dir li, “Ale, parski limem sa instriman ki mo finn swazir pou amenn Bonn Nouvel kot bann payin e zot lerwa, e osi kot lepep Izrael.

Zistwar Bann Zapot 22:21

Lesegner dir mwa, ‘Ale, mo pou avoy twa lwin, kot bann lezot nasion!’ ”

Let pou Romin 12:16

Viv dan lakorite ant zotmem. Fode pa ena lorgey, me aksepte servi dan enn manier modes. Pa bizin ena enn tro gran lopinion lor zotmem.

2 Ko 11:19

Zot ki saz, zot aksepte seki fou.

Let pou Romin 16:19

Tou dimounn kone komie zot obeisan, e sa donn mwa boukou lazwa; me mo oule ki zot saz konsernan seki bon, ek ki zot pa fer konpromi avek seki move.

Let pou Romin 13:8

Fode pa ena okenn det anver personn, exsepte dwa zot kamarad lamour. Seki kontan lezot, li akonplir lalwa.

Let pou Romin 8:12

Alor, mo bann frer, mo bann ser, nou ena enn obligasion, me pa anver natir imin pou ki nou viv dapre li.

Let pou Romin 1:22

Zot pretann zot saz, me ofet zot finn vinn fou

Let pou Tit 3:3

Lontan nou pa ti servi nou lespri, nou ti rebel ek dan erer. Nou ti esklav tou sort kalite plezir. Nou ti viv dan lemal ek lanvi. Lezot ti ayir nou, e nou ti ayir zot.

2 Tim 2:10

Mo pe siport tousala pou bann ki Bondie finn swazir. Alor Lekris Zezi pou sov zot ek zot pou gout laglwar eternel.

2 Ko 10:12

Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

1 Ko 14:16

Si to pe loue Bondie avek to lespri, kouma enn sinp oditer dan lasistans pou kapav dir “Amen” pou sa remersiman-la, si li pa kone ki to pe dir?

1 Ko 14:11

Savedir, si enn dimounn pe koze, e mo pa konpran sinifikasion so bann parol, mo enn etranze pou li, e li enn etranze pou mwa.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 2:13

Samem kiksoz nou koze, pa par sazes ki lespri imin finn montre nou, me par bann parol ansegne par Lespri ki interpret bann verite spiritiel dan enn langaz spiritiel.

Let pou Romin 11:25

Mo bann frer, mo bann ser, mo anvi ki zot konn enn mister, pou ki zot pa konsider zotmem kouma bann tro gran saz. Mister-la, seki leker enn parti Izrael finn vinn dir pou enn letan selman, ziska ki lakantite bann non-Zwif konn Bondie.

Zistwar Bann Zapot 28:4

Kan bann abitan lil trouv serpan-la pe anpandan ar so lame, zot dir, “Sa zom-la bizin enn kriminel. Li finn sap dan lamer, me bondie ki apel Zistis pa les li viv.”

Zistwar Bann Zapot 28:2

Bann abitan laba ti tret nou avek boukou bonte. Akoz lapli ti pe tonbe ek ti fre-fre, zot ti alim enn dife ek zot ti akeyir nou otour li.

Lk 10:21

Lerla mem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Proverb 8:5

Zot, bann ti-lespri, aprann gagn disernman; zot ki ankor bet, aprann vinn intelizan.

Proverb 1:22

“Bann bet, Komie letan ankor zot pou kontan zot betiz? Komie letan ankor bann insolan pou kontign insilte? Komie letan ankor bann inbesil pou ignor konesans?