Let pou Filipien 2:3 - Nouvo Testaman Kreol Morisien Harmonisation NTPS KM

³ Pa fer nanye par rivalite, me avek imilite, konsider lezot meyer ki zotmem.

Nouvo Testaman dan Kreol Morisien

³ Pa fer nanye par rivalite, me avek imilite, konsider lezot meyer ki zotmem.

Let pou Filipien 2:3 Referans Kwoze

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

Ga 5:26

Anou pa fer vantar, nou pa dispit avek kamarad, nou pa zalou kamarad.

Ef 5:21

Zot ki ena respe pou Lesegner, zot bizin viv lobeisans ant zotmem.

Ef 4:2

ar limilite, douser ek pasians. Ki zot soutenir zot kamarad avek amour.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Let pou Filipien 2:14

Fer tou san okenn konplint ou rezistans

Ga 5:15

Me si zot mord e devor zot kamarad, fer atansion, sinon zot pou fini par detrir zot kamarad.

1 Tim 6:4

li gonfle ar lorgey. Li enn inioran, li fann zizani, nek kontan diskite. Samem ki koz zalouzi, dispit, kritik, soupson

Lk 18:14

Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Proverb 13:10

Bann arogan nek provok dispit; me bann ki ekout konsey ena lasazes.

Let pou Kolosien 3:8

Aster, zot bizin debaras tousala: lakoler, iritasion, mesanste, zoure ek bann move parol ki fransi zot lalev.

2 Ko 12:20

Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

1 Ko 3:3

Zot ankor viv kouma dimounn dan lemond. Kan ena zalouzi ek rivalite ant zot, eski zot pa pe konport zot kouma bann dimounn ki dan lemond? Eski zot pa pe mars dapre tandans imin?

1 Ko 15:9

Mo pli tipti parmi bann Zapot, e mo mem pa merit ki apel mwa Zapot, parski mo ti persekit Legliz Bondie.

Let pou Romin 13:13

Anou konport nou onetman kouma anplin lizour; pa viv dan fiesta, soulezon, imoralite sexiel, vis, lager ek zalouzi.

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.