Let pou Filipien 1:7 - Nouvo Testaman Kreol Morisien Harmonisation NTPS KM

⁷ Zot okip enn plas spesial dan mo leker. Li normal ki mo ena sa kalite santiman-la pou zot. Zot finn partisip dan lagras ki Bondie finn donn mwa ler mo ti dan prizon e kan mo ti pe defann ek konfirm Bonn Nouvel.

Nouvo Testaman dan Kreol Morisien

⁷ Zot okip enn plas spesial dan mo leker. Li normal ki mo ena sa kalite santiman la pou zot. Zot finn partisip dan lagras ki Bondie finn donn mwa ler mo ti dan prizon e kan mo ti pe defann ek konfirm Bonn Nouvel.

Let pou Filipien 1:7 Referans Kwoze

2 Ko 7:3

Mo pa pe dir sa pou kondann zot, parski mo finn fini dir depi avan: ki zot dan nou leker, nou ansam pou lavi-lamor.

Let pou Filipien 1:5

akoz koudme ki zot finn donn mwa pou anons Bonn Nouvel depi premie zour ziska zordi.

2 Tim 2:9

Akoz samem mo dan prizon zordi kot pe tret mwa kouma enn kriminel. Me personn pa kapav ansenn Bonn Nouvel.

Let pou Kolosien 4:18

Mwa Pol, mo ekrir sa bonzour-la ek mo lame: Pa bliye mo dan prizon. Bondie li bon pou zot!

Let pou Filipien 4:14

Kanmem sa, zot finn bien fer pou siport mwa dan mo bann difikilte.

Ef 6:20

Pou sa Bonn Nouvel-la mo enn anbasader ki dan prizon. Priye pou ki mo gagn lodas pou koze kouma bizin.

Ef 3:1

Pou sa rezon-la mwa, Pol, prizonie Zezi Kris pou zot ki bann non-Zwif, mo priye Bondie.

Zistwar Bann Zapot 20:23

Sel kiksoz ki mo kone, seki dan sak lavil ena prizon ek persekision ki pe atann mwa.

1 Zn 3:14

Nou kone ki nou finn pas dan lamor pou rant dan lavi, parski nou kontan nou bann frer, nou bann ser. Dimounn ki pa kontan so prosin, li ankor prizonie pwisans lamor.

2 Pi 1:13

Me mo krwar ki li normal ki mo revey zot memwar letan ki mo ankor vivan.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

Eb 3:1

Alor mo bann frer, mo bann ser Kretien, zot ki partaz enn lapel ki sorti dan lesiel, konsider Zezi kouma enn zapot e enn gran pret ki nou lafwa proklame.

2 Tim 1:8

Pa per pou donn to temwaniaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

1 Tes 5:5

Zot tou zanfan lalimier e zanfan lizour; nou pa apartenir ni ar lanwit ni ar marenwar.

Let pou Kolosien 4:3

Kan zot priye, priye ousi pou nou: ki Bondie ouver enn laport pou ki nou gagn lokazion anons mister Lekris; se pou sa ki mo dan prizon:

Ef 4:1

Mwa ki prizonie parski mo servi Lesegner, mo sipliy zot viv enn lavi ki dign sa lapel ki zot finn gagne la,

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

2 Ko 3:2

Zotmem ki nou let, enn let ki finn ekrir lor nou leker pou ki tou dimounn kone ek lir.

1 Ko 13:7

Lamour touletan pe proteze, touletan pe fer konfians, touletan ena lesperans, touletan persevere.

1 Ko 9:23

Mo fer tousala pou Bonn Nouvel pou ki mo gagn enn par.

Zistwar Bann Zapot 21:33

Komandan vinn pli pre, li fer aret Pol ek atas li ar de lasenn. Lerla li dimann li kisann-la li ete e ki li finn fer.

1 Pi 5:1

Aster-la momem, kouma enn ansien ek kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef Legliz ki la parmi zot:

Let pou Filipien 1:12

Mo bann frer e ser, mo oule ki zot kone ki seki finn ariv mwa finn vremem kontribie pou fer avans Bonn Nouvel.

Let pou Filipien 1:13

Tou dimounn, dan pale gouverner ek partou deor, konn bien ki mo dan prizon akoz mo pe servi Kris,

Let pou Filipien 1:14

e mo letan dan prizon finn ankouraz boukou mo bann frer e mo bann ser dan Lesegner, e zot pli solid aster-la pou anons Parol Bondie san okenn laper.

Let pou Filipien 2:22

Me zot konn Timote bien, li finn fer so prev; kouma enn garson ki travay anba lotorite so papa, zot kone li finn touzour akote mwa pou anons Bonn Nouvel.

Let pou Filipien 4:3

Mo pe osi dimann twa, mo partner, fidel pou ed sa bann fam-la parski zot finn konbat ansam avek mwa pou propaz Bonn Nouvel parey kouma Kleman ek leres bann kolaborater finn fer. Zot nom finn ekrir dan liv lavi.

Let pou Filipien 4:15

Zot, bann Filipien bien kone ki depi koumansman ler mo ti kit Masedwann, apart zot okenn legliz pa ti partisip dan mo bann depans,

Let pou Filemon 1:13

Mo ti pou kontan gard li ar mwa pou li kapav servi dan to plas letan ki mo dan prizon akoz Bonn Nouvel Zezi Kris.